P50VT20+BT300(測試中.... 14/9已加相)

里奧 · 發表於 2010-9-10 13:08

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由里奧於 2010-10-26 10:51 編輯

星期二 mk百記試機 , 仲試玩左 30min有多 , Sales仲即場拆眼鏡出黎試 (碟機同眼鏡都未開過) , 兼加埋 sony 46HX900 一齊比較二個demo碟效果 , 做晒A/B TEST , 今時今日咁既服務為態度 ... 我最後都 ..... 失守訂機了 .

以下係好初步玩左二日既個人觀感, 未必同其他用家一樣. 以我所知淨係幫我裝機既師傅當日已經裝左5部以上, 都幾多人買左~
圖片由手機影的, 唔好以為畫面差... 只係我偷懶貪方便影.
DMP-BT300 : 對Blu ray播放唔會好似pionner咁鮮明 , 會比較自然 . 呢個我覺得係取向問題 . 重點反而係3D 同埋dvd播放, 特別係播放DVD , 配合tv+碟機(碟機要開24P播放DVD), 再響TV既 "設定/其他設定/24p smooth file 或是行60Hz 開intelligent frame creation" , 感覺就會好似sony 開左montionflow 200Hz既清晰/流暢 , 優化左隻dvd一樣. 當然各位再要誇張D可以再開解像度優化, 同埋圖像減躁 , 絕對唔似睇緊DVD .... 當然開到咁恆, 有D場面有邊緣雜訊出現. 最好還是DVD開24P已經好足夠. 至於分開HDMI雙出有無好到 ?! 我試過用bt300 和 lx52比較 . 睇戲時發覺雙出 hdmi 既聲會比單一hdmi 大聲 3-4 dB 左右 . 聲音無咁焗 , 開揚少少 . 而用黎聽CD又會比lx52好一點 .

P50VT20H : 同我用緊既G10比, 不用說.... 至少流暢度已經差好遠, 色水方便我唔知點較到有好黑既水準, 只係用"電影" 或THX 模式睇都OK . 睇電視節目就好有層次, 雖然相比LCD少左銳利感 , 有好多CHING響百記睇話好暗, 其實淨係用標準MODE睇 , 我都要SET暗D , 本身睇2D係可以好光的. 反而用3D就會減半光度,需要響暗既地方睇 . 不過佢最好係睇3D果陣, 唔會因為個頭打斜而影響3D畫像 ,呢個係其他品牌做不到的. 至於閃爍 , 只會睇AMP上D字先會有, 燈光反而唔會有呢個問題 . 同埋睇3D , 50吋我相信只係剛剛夠,,,,最好可以再大D ,,因為睇3D個畫面會內縮, 50吋睇落唔似50吋,,,有D似46吋左右 ...再加上有D上下黑邊就會變到好細畫面.
**其實我可能都講唔到一D CHING想知既重點,不過時間真係唔夠,,,每晚只有少量時間試碟,,,,暫時只係打到咁多先,,,要玩多一排先可以了解多一點部機的優點同缺點. 多謝收看.