最近攪D咩........

marcolau

最近其實我改緊隻HAZEL，不過在POST76我都係post成品多，所以一直都冇post野，
最近有d事發生左，所以我諗要同大家告別一排，
所以在依度post多一次，當同大家告別，
畢竟，我未見過大家，但我一直都當大家係小弟嘅朋友，post76玩具區個個都好串，真係岩晒咀型架...^^

[ 本帖最後由 marcolau 於 2008-3-8 01:37 編輯 ]

marcolau

依排除左玩UNICORN之外，另一隻就係1/144嘅HAZEL，
參加左笑笑團一段時間，但係旦都冇隻。原因係如果求其砌一隻又好似唔係幾好，但要好似大家咁大改我又未到家，都冇咩靈感......
但再唔開波就會比人話我「得把口」架喇，所以今次決定始極大改造，應該可以準時出現笑笑團....^^
基本上我冇去諗過應該點改，因為好多時諗好左都係做唔到，大致都係做到邊改到邊。
好耐冇砌1/144比例，始終砌開1/100，好多地方都係我意料之外....

只做好上身同膊頭位，大約15~20%左右。
胸部比較花時間去搞，因為太細或我個人"鬥雞"嘅關係，所以要噴左灰黎改。

腰間加左關節及機械結構，加高左1mm。
不過仍然覺得有D單調......得閒改改先...^^

膊頭大致刻好D details，
只係未諗到點組合tim，過去睇吓kog果隻先...^^

marcolau

上半身大致完成detail部份，今日改左裙甲，
開始習慣左用界刀刻details...^^進度比我想像中嘅快左好多，
不過仲未諗到膊頭點搞...^^

腰加左少少details，感覺比之前統一。

裙甲都係參考近期裂甲處理，但我冇刻意加長。

袋位做左打開式，參考自EDAV作品。(但好似好大袋...^^)
但都會加多少少details。

pat甲開左位，準備加入機械結構.....
但又要花時間諗結構..........~.-
不過應該會再加一d details。

胸部攝影機做好喇，同樣做到有少少機械feel....^^

marcolau

今日睇肥肥，諗住冇咩睇，點知鄧光榮果一句「個女冇老豆嘅咩」真係型到爆。
講翻正題，依兩日只係改左對大脾，因為要等膠水乾都幾粒鐘...
同kog一樣，加長左3mm，再加左D details....
小腿未有咩頭緒點改，不過佢本身D detail我都覺得大致足夠，無謂畫蛇添足。
我諗頂多加少少刻線就OK架喇...^^

個袋close翻，講真，打開左真係唔好睇.......
雖然話春之袋ver啫，都唔係大袋到咁嘅又。都係自然D好D...^^

因為我手上只有界刀，凹位的確刻得比較辛苦。
關節亦做左適當改造。

用膠板加長3mm之餘，亦在內則補強。

pat甲嘅details都搞惦左，不過因為會頂住大睥，所以都要改改佢至得...........

marcolau

本星期家中發生左一D事，令我心情落至谷底，亦冇做到任何模型相關嘅事，
我唔想在我個blog寫一d唔開心嘅事，所以大家唔好覺得我講d唔講，只係我唔想講而已。
我只係希望同大家講我嘅唔開心就夠喇，可能我會放棄模型製作一段長時間，希望大家體諒小弟，或者我亦冇法完成手頭上嘅unicorn同依隻hazel，所以BLOG友笑笑團或許會少我一份兒，在此先同crabchiu兄及其他有份參與嘅blog友講聲抱歉......
雖然我唔係咩神人，令我每次都可以做到更精彩嘅作品，由手油開始，我不斷去改進自己，改燈、噴油至舊化，每一次我都努力咁去改咁去學，一切一切都係大家對小弟嘅支持所至，
改造hazel亦係我08年第一個目標，只可惜，在這景況及心情下我已冇能為力，請大家見諒。
但我有時間仍然會盡力去改依隻hazel，只係未知能否如期完成。畢竟，我仍然好想出席笑笑團。
人生有好多唔同嘅挫敗，只係我比較特別，次次都係大大單....
可能因為平時我份人唔多計較，任何時都平常心咁去睇，所以我一直都唔覺有咩挫敗......

本次更新只係將hazel pat甲分成兩件，因為在part 3時發現佢會頂住大脾，做唔到「收肚凸袋」嘅型仔pose，咁又點可以叫"ver 春之袋"呢...^^所以一定要做活動式pat甲，不過只係分開，未做活動處理。

大佬John

告別:o :o :o Smilies020 Smilies020 Smilies020

虎520

別咩別
唔準別住丫
你仲有隻獨角獸未post丫~~~;P

kennykky

唔知你發生左咩事,你e個post我都有係你個blog到睇過,發生咩事都好過去左就由得佢啦,唔好諗太多

無時間砌模型同打機都唔緊要,上黎回下post都要架(好似返工咁)

我期待你o既完成品架:lol




我架86又衰左啦,做唔到全鏡面,我打磨左再上光油

j.w

係囉，上嚟留个言，said個hi，都ok呀！
支持  支持

DVD迷

原帖由 marcolau 於 2008-3-7 23:53 發表
最近其實我改緊隻HAZEL，不過在POST76我都係post成品多，所以一直都冇post野，
最近有d事發生左，所以我諗要同大家告別一排，
所以在依度post多一次，當同大家告別，
畢竟，我未見過大家，但我一直都當大家係小弟嘅朋友，post76玩具區個 ...

咩我哋有串你呀~~Smilies015 Smilies015
我知大家都係開玩笑姐,絕對無惡意的...Smilies014 Smilies014
請你唔好同我哋告別啦!:Q :'(
最多我偷多d時間砌返模型比你睇啦!!!:loveliness: :loveliness: