洲立快將公佈發行 派拉蒙 及 夢公場 影音產品

cheapywong

據聞第一隻將會是 Iron Man 2

@肥狗仔@

咁環球果d呢?

cheapywong

即表示 洲立己擁有 迪士尼, 環球, 派拉蒙 及 夢公場 ..4 大公司
       得利只剩餘 霍土, 美高梅 及 華納

史提芬周

好事啦~!
起碼唔駛俾得利一間獨大～～
當年香港華納唔做發行，俾得利做，Ｄ華納碟即刻全部貴２０％，所以我好Ｘ憎得利～～

Fabregas

洲立唔係已失去咗環球發行咩?

hgc021321

洲立唔係已失去咗環球發行咩?
Fabregas 發表於 2010-9-4 00:45

  唔係,,,聽聞佢地傾掂數

omni10

洲立發行(迪士尼,touchstone, 環球)BD通常無cantonese字幕,得利BD 就有(以往華納自己發行幾乎全台式字幕,得利發行後起碼有部份有cantonese字幕)

kymak

據聞第一隻將會是 Iron Man 2
cheapywong 發表於 2010-9-3 23:55

IRON MAN 2 仍然由得利負責, 之後就唔知
    http://www.deltamac.com.hk/newde ... 715&item=bluray

劉一舟

據聞第一隻將會是 Iron Man 2
cheapywong 發表於 2010-9-3 23:55

咁好笑，"鐵２" 喺得利官網都出咗一陣子，難道咁大方幫洲立宣傳埋？

若然這是香港得利 "最後影碟"，即係洲立同UIP終於傾掂數，垃晒環球、派拉蒙、夢工場的影碟香港發行權。06年洲立開始擁有派拉蒙與夢工場的戲院香港發行權，相信呢個優勢還會持續，下年是香港安樂公司發行環球影片戲院香港發行權的第四個年頭，若果睇咁嘅形勢，洲立隨時攞埋環球影片戲院香港發行權都有之。

觀此影碟香港版權形勢，洲立繼續發行環球影片，和新攞派拉蒙、夢工場版權，我覺得辣多過唔辣：
因為影片係一條龍嘅關係，價錢勢必被壟斷，根據洲立代理環球影片先例，價錢比英版仲要貴，而且減價空間有限；而 "派夢" 嘅片除咗夢工場系易做之外，其他不嬲都難做，好耐之前的新藝瑪，甚至後來的年代接棒都未見起色，就算大地主得利有意發大嚟做都只係杯水車薪，去到洲立就更加唔駛諗，又根據佢代理迪迪尼影片為例，佢地一向貫徹薄利多銷政策，即係話大片收得嗰啲價錢會比預期平啲，但唔收得又好另類嗰啲就標得好貴，曾經有老行尊話呢招高，因為唔好賣嗰啲，平都可能冇人要，標咁高若有人肯買就賺咗個價先，好賣嗰啲賣得平就更加豬籠入水，隨時可以補貼埋蝕咗嗰啲.....以此情況，我覺得不是大片的片種洲立會相對地減少發行，令一啲名不經傳但不錯的影片石沉大海，要改投外版才可觀看；包裝方面亦唔夠得利嘅多元化，有啲ching可能話派夢喺得利手上都賣得好貴，呢點我都認同，但去到洲立手會唔會有另一番景象，還是消費者仍舊是砧上之俎呢？這真係要拭目而待了。

劉一舟

洲立發行(迪士尼,touchstone, 環球)BD通常無cantonese字幕,得利BD 就有(以往華納自己發行幾乎全台式字幕,得利發行後起碼有部份有cantonese字幕)
omni10 發表於 2010-9-4 02:32

又係嗰句，無論洲立或得利發行的BD，到香港都只是包裝工序，個肉全靠外版供應，即係話外版有就有，外版冇就冇；洲立發行 (迪迪尼、Touchstone) BD絕大部份冇粵語字幕全因為係佢地個肉由台灣嚟，至於環球嘅片多數由歐洲版提供，有中字大多都只有繁體中字，但有時偶有粵字選擇，至於得利 (華納、派記、霍士) BD嘅片源亦類同，根本就同間公司冇乜關係......

好事啦~!
起碼唔駛俾得利一間獨大～～
當年香港華納唔做發行，俾得利做，Ｄ華納碟即刻全部貴２０％，所以我好Ｘ憎得利～～
史提芬周 發表於 2010-9-4 00:26

我唔係幫得利講好話，唔俾晒一間公司壟斷晒確實係好事 (香港太多呢啲情況)，但人地買咗個版權番嚟梗係要掠水啦，但最緊要掠得有分寸，若現在洲立垃咗都未見得佢會有良心會比得利賣得平........

最好彩我們仍有外版選擇，邊個做代理都好，若仍是固步自封和仍對消費者視若無睹這才是可悲.....