以後唔會再去旺角(節拍唱片)買野。

tennishk · 發表於 2010-9-2 20:33

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 tennishk 於 2010-9-2 20:36 編輯

以後唔會再去旺角(節拍唱片)買野。

話說昨日在旺角(節拍唱片)買了隻$100既黑膠唱片，而有朋友覺得鐘意，叫我路經幫佢買隻，
今日經過上去睇睇，最後選了4隻唱片，因為唱片是二手貨，通常我都會睇睇隻碟有冇花，而睇第一隻既時候，
我見到隻碟既面有輕微僕起情況，其實唔嚴重，基本上可以接受，但我都想睇睇會否有另一隻，所以問問佢會否有另一隻！
個女人好不滿咁話冇呀，跟住同我講，你知唔知這是二手碟呀，如果咁你都話唔得，其他個D你都唔駛睇啦！
跟住另外既三隻佢真係唔比我睇！

後來我同佢講，我冇話唔要，我只係問下你有冇其他，我都唔係第一次幫你買碟啦，我更係知道係二手碟啦，所以先要睇睇隻碟有冇花，
你駛唔駛咁樣講野呀！
跟住另一個男既知道唔對路，即刻開其餘三隻我睇，然後話D碟係全新既，唔會有問題，我同佢講，佢就話碟係二手，你就話係全新，
其實我唔介意新定二手，只要唔花就得，我都唔係第一次幫你地買野啦，都唔駛咁樣講野呀！

最後我都有買晒4隻碟，但我以後都唔會再幫佢買野！

其實我每次買野，個女人都係鞋口鞋面，不過諗住香港好多人做生意都係咁，買完就走算了，不過今次比說話我聽，真係有小小火滾！