It is SORRY! 維修服務

thx_wong · 發表於 2010-9-1 19:23

上個禮拜發現部電視有兩條橫線(40X300a)，好彩未過保養，咁今日中午有師傅上黎換左塊panel，問題fix左，師傅跟住離開，但當我行埋部電視諗住check下有無死點，點知發現panel右下角有幾條痕，當時我唔肯定係漬定花，我即刻衝出去叫番師傅返黎，佢睇過話呢d係油漬黎既，包裝塊panel個時整到，抹得甩咁話，跟住佢用佢塊布係咁捽，跟住話okay然後離開。

點知我再睇返部電視，d"漬"仍然係到(根本係花)

，可惜佢已經走左，跟住打去CS解釋，佢話會問師傅跟住覆我。等左一個鐘見未覆我再打過去，答案一樣，不過過左陣維修部打電話黎，佢話聽日再派師傅上黎搞。跟住再過半個鐘又有sorry d人打黎，佢問清楚d"漬"有幾多條、咩位置等等，佢話聽日上黎個個師傳係睇下抹唔抹得甩的漬，唔會換panel，我話點解如果真係抹唔甩點解唔索性換埋佢一次過，佢話一黎換panel要兩個人、二黎佢要報番上廠先。我問佢d零件會唔會係翻新？佢只係話個零件係經過測試，試過得先用...

哎，可能我奄尖啦，或者保用期唔駛俾錢就咪咁羅，如果塊panel要再換，都唔知換落黎個塊panel會唔會換落第二位"幸運用家"

原本問題