新手想問下關於Macro鏡

stm

各位師兄想請教下一般Macro鏡同無Macro鏡分別響邊度 (同焦距)?
係咪Macro 鏡對焦距離會近好多?
我見到有d 寫住1:1又係咩意思?
我之前睇書話Macro鏡景深都係好淺，其實有無可能將Macro鏡當埋普通定焦鏡咁用 (即係好似DC咁開著個Macro功能)? 定係要買兩支鏡先得??

donji

係咪Macro 鏡對焦距離會近好多? 不是, 而係最近對焦範圍係比一般lens近好多....以canon計, 有60/100/180同埋mp 65(好似係咁).....而無macro 既lens都有100mm...兩者係結構唔同..而焦距無咩好大關係..

我之前睇書話Macro鏡景深都係好淺，其實有無可能將Macro鏡當埋普通定焦鏡咁用 (即係好似DC咁開著個Macro功能)?   可以, 但對焦會慢左d

stm

請問對焦範圍即係..........??

ahnel

各位師兄想請教下一般Macro鏡同無Macro鏡分別響邊度 (同焦距)?
係咪Macro 鏡對焦距離會近好多?
我見到有d  ...
stm 發表於 2010-8-30 00:20

   

1) 對焦距離當然係marco鏡近d啦, 啫係話你可以"隊"得近d件主體影~
2) 放大率1:1, 啫係話件主體實際幾大, 投射響感光媒體(菲林/ccd/cmos)就幾大~
3) 影微距o既時候個對焦距離近, 個景深係等別淺, 但係當你唔係影微距o既時候佢o既景深唔係特別淺, 同離通鏡一樣~

PP-HK

其它有ching答左, 我想再講下第三點。無錯macro鏡因光圈關係, 景深都幾淺, 但係想用佢來取代定焦鏡有兩個考慮因素: 首先, 枝鏡既設計係俾微距用, 佢既成像較銳利但色彩較硬, 當用來做定焦時會欠缺了一種柔和的感覺, 特別是影人像時這種感覺更為強烈。其次, marco鏡的焦外成像(boken)通常都麻麻地, 也欠缺定焦鏡的圓形光圈葉。

mike384

補充一下, 由於macro鏡一般for影細節, 會好sharp的.

stm

明白晒......咁唔同焦距的macro鏡應該點揀呢?
我自己用緊N記，鍾意影食物同細少物件(e.g.手錶，公仔呀)post上網，有時都會影下花咁.......
Budget 大概四千左右，原/副廠都無問題，各位師兄可唔可以介紹下?

Thanks.............

mike384

呢個BUDGET的話, tamron的 90 mm f2.8 macro可能會適合你, 出名SHARP的.
另外, nikon新出個支AF-S DX 85mm f3.5都幾好架, 呢支我試過下, 輕, 方便~光圈就細了少少, 所以當佢人像鏡用時, 可能會嫌佢景深不足架.

Hidekii

其次, marco鏡的焦外成像(boken)通常都麻麻地, 也欠缺定焦鏡的圓形光圈葉。
PP-HK 發表於 2010-8-30 16:05

我唔係好明...
好多marco鏡都係定焦喎, 以我枝105vr為例, 既係定焦亦係9片光圈葉, 而且色水、焦外成像都好好

PP-HK

試下同枝85/1.4比較過你會明白d, 特別係人像。雖然我係用c記, 但枝100macro同85/1.8影出黎完全係兩回事。