歐聯十六強淘汰賽 (16/2 亞仙奴主場對巴塞隆拿)

raymond430

韋舒亞和沙皇炮製首個入球可圈可點法比安斯基救咗一個十二碼,也要為他鼓掌,希望對佢個人信心有幫助

Fabregas

韋舒亞和沙皇炮製首個入球可圈可點法比安斯基救咗一個十二碼,也要為他鼓掌,希望對佢個人信心有幫 ...
raymond430 發表於 2010-9-29 11:19

整體來講, 亞仙奴表現唔算好出色, 只是對手實力太差!
不過雲加都刻意留力週日大戰車仔!
法比安斯基救咗一個十二碼, 更在補時救出一個近射必入波!
但其實他整場波要做的不多, 個人對他信心仍不大!
對車仔寧可試用文路尼或施錫斯尼!

kenny.k

昨晚睇尼場波火都嚟埋,首先兩位評述員,其實係唔細心嘅講波佬,成曰話桑治爛打難纒,根本就係佢遲遲都唔交波或被轉身捉到路,俾人拍甩個波焗住追番人,一早交波走位咪冇事囉!成場波阿仙奴交失波嘅次數之多,很多年未見過,同埋後防嗰種犯錯,唔好話對英超,對英冠都冇得贏,贏波不過係對手更差,把握力弱,把握力好D,一早入二球啦!MVP我會揀法比安斯基,起碼救咗個十二碼及在補時救出一個近射必入波,成場波都冇咩嘢做,因對手射門太差.我都好少打咁長嚟討論阿記,不過實在睇到X火都嚟埋.sorry

raymond430

吓!我只係睇咗d精華片斷,仲以為阿仙奴打得幾好tim
對車仔場波睇黎都幾危.....只能寄望打得好好睇睇便收貨....
法比安斯基經過呢場波,佢自己信心就肯定好咗啦,問題係佢嘅能力去到邊.....我個人來黎講都寧願用文路尼博一博,反正一二號門神都唔穩....如艾蒙尼亞真係有傷,我相信雲加多數都係會用法比安斯基守龍

Fabregas

昨晚睇尼場波火都嚟埋,首先兩位評述員,其實係唔細心嘅講波佬,成曰話桑治爛打難纒,根本就係佢遲遲都唔交波或 ...
kenny.k 發表於 2010-9-29 20:27

我都覺得桑治近期表現退步咗!
成日攞住個波唔肯交, 鍾意賣弄吓腳法, 越來越似迪亞比!
希望佢只係因為法比仔缺陣想做多啲嘢, 法比仔出番就專心做好防守啦!
法比安斯基全場只有三次撲救, 兩個12碼, 一次近射, 呢場波我守龍門都應只失三球!
呢隊柏迪遜水平真係未必及得上英冠!

Fabregas

19/10 (星期二) 深夜亞仙奴主場對薩克達
薩克達應該係同組實力最強, 更有艾杜亞杜達施華倒戈!
我相信雲加會叫球員博盡, 唔理週末作客曼城!
因為贏埋呢場分組賽差不多出線!

朗

主場攞多三分出線冇難度.

轉載: 成報 (19-10-2010)

朗

伊度亞度達施華倒戈, 話明如果入球唔會慶祝.

轉載: 明報 (19-10-2010)

kenny.k

先趙薩克達,再趙埋曼城,殺!殺!殺!

Fabregas

好消息: 法比加斯, 禾確特, 賓特拿可復出!
攻擊力我就唔擔心!  但後防就真係差啲!
後備中堅迪佐奴明顯未夠班, 兩隻閘同龍門都不穩!
希望以進攻當防守, 小勝一場攞三分!