我好鍾意去鴨記買嘢,
包括影音, 相機配件, 電子雜貨,
俾人呃過, 但大部份時間都係執到平貨居多!
玩影音方面, 我都幾常逛鴨記啲舖,
二手店, 除非係箇中高手, 如果唔係我建議唔好去!
好易一頸血!
深水埗啲影音,包括鴨記, 去開三間,
第一間, 聯x, 服務好, 啲貨都幾多選擇,
高中低價都有, 雖然未必係最平,
但有得講價, 有時啲減價貨, 可以好平!
k仔中置, 幾舊水攪掂, 門外漢福音!
第二間, 九x影音, 啲sales無咁主動,
但如果睇到你有心買嘢,都好肯同你分析啲機的好壞,
價錢好多時平出面一截, 呢到有對好hit吓,外型好潮的喇叭仔,
我自己格過, 九龍區應該最平係佢咁濟,(甚少入新界或過香港)
不過唔好寄望好似聯x咁,
你剩係去吓吹水, 佢都甚少唔蘇你咁!
第三間, 冷門啲, 賣啲冷門影音器材,
cxxworkshop,
真係好似超級初哥的我,
好啱玩, 講真佢入啲amp仔,
絶對玩得過, 一千幾百, 留啲錢買隻靚啲喇叭都可以好好玩!
之前, 玩過佢啲t-amp同迷你膽機,
門外漢的我, 就覺得好啱玩,
我整部t-amp加對喇叭仔俾我個仔用,
我覺得好過大部分啲電腦喇叭,
尤其係人聲方面! 電腦喇叭好多時人聲一舊舊!
深水埗同鴨記係我哋男人的天堂, 電腦影音攝影, 好多嘢執! |
[複製鏈接]
發表於 2010-8-20 19:42
樓主
