如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
大阪機,香港每日只有一班,所以去到大阪/梅田站都起碼八九點
行程
第一晚 - 空中庭園展望台,位於新梅田Sky Builing四十樓,360度盡覽整個大阪市,B1有個名為瀧見小路既食店中心.但係是晚太夜,10:30展望台收館先去已經全部關門了,最後去左hep five附近食吉野家,呢間並冇售票機,最後手指指咁叫牛肉飯食,個飯d汁好少,d肉乾乾地.
第二日 - 天王寺公園動物園-Rinku Outlet,天王寺係一個不太新既區域,有好多地道既舖頭可以見到,好似麻雀館,棋館,就算個動物園都唔會建設得好華麗,但係你要睇既野都會睇到.Riku Outlet係大阪來講最有睇頭既Outlet,佢個場都好大同千歲機場果個rera差唔多,由於我係天黑先到Rinku Outlet,所以個場開哂燈,唔知點解先得好好有聖誕氣氛 個場既品牌我唔多識,其實我係一個唔多買衫褲既人,去outlet都只係知到佢地起呢d outlet係起得幾靚, 而且有野食,是日晚餐都係嚮入面食拉麵, 其實Rinku站出面已經有個新mall,亦都有日本既至愛摩天輪, 個mall有大半係小朋友既野,有玩既有衣服用品.
第三日 - 海遊館-美國村-心齋橋,海遊館位於大阪港站,同天保山Market Place相連,重有個高112.5公尺既大觀覽車(摩天輪),成個大阪港一覽無遺,玩哂三樣野都用左你三四個鐘.跟住再去心齋橋站行埋美國村同心齋橋筋,再到道頓堀食埋蟹道樂,金龍拉麵同埋大章魚(章魚波波).但係我果晚只係食和民 輕輕鬆鬆就咁一日,唔洗早起,唔洗夜訓.
第四日 - 神戶站至三宮站全用步行方法(Harbour Land,Mosaic,神戶港塔,海事博物館,美利堅公園,元町通,南野京,三宮各購物點) 我只係行左部份/經過, 我自己重點推介既係mosaic,呢條路線其實橫跨幾個站,但係其實兩個點只係需要廿分鐘, 今次我推埋bb車去,亦冇咩問題,當然未計小朋友既百厭行為啦:lol ,三宮站附近有幾間食神戶牛既鐵板燒店,而且近較近大阪方向,呢個係以三宮尾站既原因,亦幾乎係必選既次序.
第五日- 大阪到東京新宿,12點機由伊丹/大阪空港到東京羽田空港,到新宿Check In完去食博多天神拉麵,再去六歌仙留左夜晚既黑毛和牛加王帝蟹BBQ任食放題八點既位.之後行下新宿二手碟舖藥房,再返酒店小休片刻,再去開餐.
第六日 - 淺遊輕井澤,上野買手信, 食完酒店早餐返房諗下去邊,早後十一點出法去輕井澤, 輕井澤係一個幾出名離東京幾遠既地方. 充滿住歐陸色彩, 有教堂區, 有家庭式歐陸民宿, 有瀑布既山林景色, 輕井澤係要搭乘新幹線先可以到,即係子彈火車,單一程要指定席既位一個人已經要5550yen,好唔好彩,到各景點既巴士原來係要假期先至運行, 我地唯有徒行去最新既舊輕井澤區行下,用左半個小時時間先行到去,但係大部份商店都係關門大吉:'( . 不過沿途既景致都尚算不錯.到左五點幾就搭新幹線返去上野買手信.買完再返新縮食晚飯,是晚食壽司,好多人去開既中葉質素差左好多,價錢亦唔再係一律一百 yen. 建議大家唔好去,食左幾碟覺得唔對路,埋單走人,去第二間再食,揀左一間嚮地牢定價120/210既食,賣相靚d,而且貴果d都係210,唔係三葉既350,咁就食得放心d啦.但係至愛既三文魚子/海膽壽司都唔係太新鮮, 今次新宿比我一種有d每況愈下既感覺.
第七日 - 築地,台場, 淨返呢日,唔食刺身飯就再冇機會,阿仔既DisneyLand唯有取消,佢生日再同佢去香港果個啦;P . 同樣道理, 今次唔食去開果間食堂, 因為上兩次開始覺得唔對路,而且開多左幾個巷位,覺得有種錢銀至上既感覺, 我地揀左一間再行入d近入面街市既舖來一試, 結果正到不得了,需然一個海鮮當要1000 yen貴左百幾yen, 但係新鮮度同手作感好好多. 個味噲湯都唔錯,如果可以加小小沙蜆就更鮮甜,食開果間就有喇. 本親其實都係飽左肚先去食, 但係食哂成大碗都唔覺有飽滯感, 之後近近去台場淺遊一番,再到池袋Sunshine City既宮崎駿共和國買野,但係嚮池袋站處理pasmo card 攪得耐得滯,去到已經閂左門.於事去就近既松屋食牛肉飯食晚餐,叫牛肉飯記住另外加多隻溫泉蛋咁至和味. 是晚再去新宿二手碟舖一看,中途撞到李克勤伉儷.為整個旅程加左小小點綴.
第八日 - 返香港, 五點起身,全組人攪掂哂都係五點九, 酒店早餐又要六點半先開始, 我地搭七點成田特急一定趕唔切,於至同姨仔行返落大街買老麥,蝦柳包又要11點後先有,唯有食豬柳,早餐券有得睇冇得食.整個行程就此完結.
後話:大阪抵食果間壽司店冇食到,道頓堀只係食左和民冇食蟹道樂,上次jason同我講既yodobashi umeda樓高八層既相機電器專門店只係嚮酒店隔離又係攪到去唔到,新宿果間收9點既玩具舖又係攪到去唔到, 好多時一齊食完晚飯,自已想睇既野,已經再睇唔到. 但係今年既我可能經歷左好多野,個人心態都變左,火冇咁大,亦覺得嬲來冇用,即使只係一兩間,只係想見識下,由於自己亦冇咩特別野想睇想買,去唔到就由他去了. 有d野今次做唔到咪下次先做囉又唔係未去過.
[ 本帖最後由 LAWSON 於 2008-2-26 13:54 編輯 ] |
發表於 2008-2-22 22:15
樓主
