尋日好激氣，各位師兄有無計? (P.3 updated)

stm

話說早前係呢度問過用煤氣/電熱水爐好，最後都揀左煤氣，用左兩個月都未夠。
早兩個星期收到煤氣公司信話外牆條喉生"金秀"，換連搭棚三千幾，其實都唔想整.....最後都算啦整埋佢。

尋日換完跟住佢check，話有漏氣，最後check到係浴室地下入面條喉漏喎，咁佢即時cut左我煤氣。
依家就會癈左入牆條喉，再造條新喉一邊駁番去煮食爐個邊收我九百蚊。
另一邊駁去浴室就麻煩，因為唔可以經外牆走，只可以室內明喉過，重要成九千幾蚊。
但我個爐+裝成七千幾，如果keep就要再明喉+九千幾。
唔keep就買電爐，但個煤氣爐就變左無用...............都一樣好傷..........

唔知個爐賣番出去得唔得呢? 使唔使經煤氣公司??
早知個時用電爐就算啦，裝左都無乜用過..........

fuman0123

師兄，呢穫真係杰進退兩難俾我都唔知點做
凳你唔低

pangling

Seems using electrical heater and sell out the gas heater is cheaper and easier.
Moreover, the outlook of 室內明喉 may be ugly.

KUNGKUNG

回復 1# stm

stm Ching , 好明白你既心情 !
但用 " 儲水式熱水爐 " 又冲得唔過癮 ,
用 "即熱式" 又唔知 Ching d 電得唔得 .
不如 , 一不做二不休 , 來個全屋大翻新啦 !

howin

點解唔走得明喉? 管理處唔俾? 你個度係新樓or舊樓??

KING

師兄你間屋樓齡幾大?D暗喉咁快有事!

chingok

自己樓要硬食 :(

發送自我的 HTC Desire 大板凳

stm

管理處唔俾，不過就算俾都未必會整，成皮野我去買hrs10好過，重可以爆下發洩下。

點解唔走得明喉? 管理處唔俾? 你個度係新樓or舊樓??
howin 發表於 2010-8-15 12:16

stm

over廿年啦....

師兄你間屋樓齡幾大?D暗喉咁快有事!
KING 發表於 2010-8-15 12:23

a888

20年樓就真係好多野會壞架啦. 要整都無辦法.  師兄, 你屋企好大架? 明喉都要九千??

正常屋苑係唔俾走外牆. 但好多舊樓業主都唔會理, 如果位置係天井位(不是向街或內園景) 好多業主都會偷偷整左先算. 不過有以下幾點要考慮:

1. 你屋苑是否管理很嚴, 因為如果行外牆管理處真係有權你整左都出信要你刪. 你可以問下鄰居有無人咁做.
2. 行外牆如果樓上有人跌野落黎dum穿左條喉無人會負責任, 到時又係要自己俾錢整.

現在你新裝了煤氣爐如果唔用好浪費. 除非你打算即將裝修, 否則應該考慮係屋裝明喉, 但就真係唔美觀, 因為樓上師兄講得岩, " 儲水式熱水爐 " 冲得唔過癮 , "即熱式" 又唔知d電得唔得. 果舊野都好大舊架.

PS 如果師兄住左20年都無裝修過屋企, D鐵喉都捱唔到好耐, 不如考慮裝修, 換水換電順便做埋煤氣. 這筆錢真係唔係少野, 不果做左就住得舒舒服服, 也減少了日後各樣的維修費支出.