J J 大阪之旅日誌 2008 (補相)

lkljason · 發表於 2008-2-18 12:38

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

一連9日既旅程眨o下眼就結束，今年都係一如以往年初一一大清早就去機場standby等上機，好順理之下10:00am就上到機，過到的關西機場都係14:00 (日本時間)，搞晒入境手續 (因入境有新野要打指模，所以會稍為耐左dd) 裸晒行李大約都係14:30鬆d，因今年早到既關系，所以選搭左最平既交通工具，好輕鬆咁搭火車慢慢出機場入大阪市。首天因為無預咁早上到機，所以都無乜點編排行程，check in左酒店就去難波附近行o下，穩左間往年去開食燒烤既放題食餐豐富既晚餐，食完行多陣就返酒店休息迎接黎緊既行程勒！

Day 2
一早起身，其實講真都唔係早，平均每日都有訓到成10點幾，咪咪摸摸搞得黎都成11點幾至出門口，呢日就係咁多日最晏，成12點至出去，今日既行程預算行factory outlet去想買既野，跟住就落左梅田行o下街街，電器鋪當然唔小得啦，最後就去埋梅田sega玩o下d 3D game，玩到夜晚就返道頓堀果頭開餐，好快咁又度過一day勒！

Day 3
呢日就早左dd，11點鬆d就出門口，今日一出門口就已經見到白雪飄飄，呢日仲plan左落京都嵐山果頭添，不過小小雪阻唔到我地既，搭火車落到京都，再轉巴士落去嵐山，去左嵐山既天龍寺同地標度月橋，雪山既渡月橋真係另有一翻味道，風景真係好靚，影左唔小相之後就搭巴士落返京都市行街，之後就搭火車返酒店，因為真係幾大雪，行得耐隻腳真係好鬼支力，加上個囡都唔想再行，所以嵐山再入d既部份都無行勒，而清水寺本身都想去影o下相，但o係嵐山走果時都成4點幾，佢果度就收5點，所以想去都去唔到。落到京都市行左陣百貨公司同手塚既小小展覽館就返酒店勒！

Day 4
今日就去奈良，奈良出名都係睇鹿仔同寺院，搭火車落到奈良都係搭巴士去奈良公園附近，首先行左春日大社，之後去餵左陣鹿 (150 yen一包鹿餅)，幾野就餵完，跟住佢地見到個賣蕃薯婆婆，老細同個囡食左個800yen既蕃薯 (好貴啊)，跟住就去左好古舊既東大寺，佢裡面個佛像大到呢....！之後再途經奈良公園比鹿仔圍，個感覺都幾過引架，之後慢慢行d小路行下d細店鋪買下野，途經興福寺老細同個囡都唔想入去勒，咁唯有o係門口影張相就算勒，最後行到返奈良車站就返心齋橋果頭穩野食勒！

Day 5
呢日就係落和歌山，其實呢站真係無乜野睇，對我黎講只係去白濱轉車站，但如果白濱住兩晚我又覺得太貴勒，所以住晚平d既和歌山先，落到和歌山大約一點鐘鬆d，check in埋酒店就搭車落黑潮市場果邊行，果邊既環境都係成個渡假村咁樣，有遊樂場同溫泉浸，因為黎緊聽日都會去溫泉酒店，所以都係行下食下影下相就返和歌山既酒店，酒店隔離有間阪X既百貨公司，我地梗係唔會放過落去佢basement既food court 掃下野食啦！

Day 6
呢日係咁多day最早起身既一日，因為落白濱都成2個幾鐘，加上班次唔太多，所以就夾晒岩時間出門口，去到白濱一落車去佢個information裸d資料同d入場coupon，買張two days pass任搭巴士證就去溫泉酒店，因為呢次係我正式住d最正統既溫泉酒店，所以都好新鮮，一去到酒店門口，裡面既職員已經好熱情招待，因未夠3點鐘check in時間，所以問完佢地既dinner時間就放低行李去左附近個遊樂場+野生動物園 (坐車睇動物果隻)呢，玩完大約5點鐘到就返酒店，入到房首先睇到個無敵大海景，個view正到呢，跟住見到檯面有個全盒既物體，裡面既蛋糕仔好食到無朋友呀 (所以都買左兩盒黎做手信加自用)，之後梗係換件靚靚袍黎準備食佢既豐富晚餐啦，其實開頭都擔心會食唔飽，因為d野碟碟細細碟，所以都帶定個杯麵做backup，點知呢戲飯真係去咁多日完來係最飽既一日，每碟野都好精緻好好味，佢碟牛肉加佢果d調味料，真係講都唔信，我境然食左四碗飯，真係連我自己都驚！嘆完一餐豐富既晚飯後，d職員就開始幫我地整被鋪，而呢間溫泉酒店分別有男女分開既溫泉 (室外同室內各一個)，而佢個住宿包埋一個家族風呂 (30分鐘)，即係一個私人既溫泉房比我地浸，所以裡面成家人一齊著泳衣浸都得，而佢個view同酒店房一樣都係望住個海架，一冷一熱果下不知幾過引，一路浸透一路傾o下計都好正架，所以之後我地book埋個朝早都係呢個家族風呂浸多次。

Day 7
朝早因為book左8:30-9:00浸溫泉，所以我地安排左7:30食早餐，佢個早餐雖然無晚餐咁豐富，但佢條魚鮮味到呢，早餐都掃左佢兩碗飯，你話係咪得人驚呢！食完後浸多次男湯同家族風呂後閃勒。
今日行程都係行佢d名勝，首站就去左佢著名既三斷壁，跟住就係果個白濱地標yen月島，最衰唔係住多日，如果唔係一定要影佢既日落，之後就去左錯體館，佢裡面d野令你視覺上有錯覺，即係你可以好似城城打斜咁企而唔跌咁樣呢，都幾得意架！之後就去左tore tore市場食魚生，可能又係晏左d，所以食唔到燒帶子果d野，但佢d壽司真係又平又大件又好食呀！食飽後後就慢慢行去車站搭車返心齋橋果邊繼續行o下行勒！