包致金侄女摑警維持原判

josephm

包致金侄女摑警維持原判 (17:01)

終審法院常任法官包致金侄女摑警案下午覆核，裁判官拒絕覆核，維持原判。
終審法院法官包致金侄女Amina Mariam Bokhary的襲警案判刑覆核，下午2時半在東區法院聆訊。包致金侄女抵達法院時，被大批記者包圍，其間一度混亂，她在一批人護送下進入法庭。
裁判官阮偉明在聽取控辯雙方理據後，作出裁決，拒絕覆核，維持原判。
由於旁聽公眾太多，法院要轉換較大的法庭。警務督察協會主席廖潔明亦有到場，傳媒要取籌入內。
包致金侄女年初在司徒拔道一宗交通意外，拒絕接受酒精呼氣測試，並掌摑警員，日前在東區法院被判感化12個月、罰款8000元和停牌1年。律政司就判刑提出覆核。

josephm

再一次鐵証: 有錢人真係曲都變直, 法律係冇公正....

ccting2009

頂....

ccting2009

好想講袁祟煥嗰名句......

PP-HK

一早估到呢個結果啦, 個法官一心一意擦老細鞋, 仲叫佢自己覆自己, 如果改判一黎擦鞋不成, 二黎咪話自己判錯案, 有冇人咁苯架?

劉一舟

預咗個法官阮會維持原判啦，呢個覆核真係多九餘，喺呢啲覆核案件中，有邊個裁判官會推翻自己之前的判詞咁戇九吖.......黃司長，你都係去上訴庭上訴啦，嗰個姓阮的法官都唔係第一次俾上訴法官話佢做嘢馬馬虎虎架啦！！！

原明

真係死不悔改…個官同個犯

mingming28

side 錢 side 時間

aegysd

人人都叫火滾，
權貴姪女犯法：醉駕、襲警、拒絕吹波波，
兼有前科，竟全獲輕判。
有財有勢官官相衞，
即使證據確鑿仍可甩難，
簡直姑息養奸，毫無天理。
仲話佢有良好嘅教育背景，本質亦非粗魯，
需要嘅係治療，唔係坐監，
呢啲都算係判罪理由，請恕我讀得書少，囧囧囧囧囧。
換轉襲警嘅係小市民，
即使初犯、背景良好、無犯罪紀錄，也例必收監，
判詞就會話呢啲唔係求情嘅理由，
為反影罪行嘅嚴重性，
必需判以監禁。

jt24

一早都知個官會維持原判o架喇！好似審完之後D記者訪問個差人話齋：『都預咗嘅啦！邊會有今日嘅我推翻昨日嘅我o架呢？』最好笑係個官話：如果依單案係判窮人，社會會唔會有咁大反應呢？他質疑如被告是窮人，會否出現偏幫窮人的說法，咁真係要問吓佢如果係窮人佢會唔會咁判先囉？另外佢仲話喎！如果係正常人邊會喺大庭廣眾面前掌摑警察呀！所以被告係有病先至會咁做嘅喎！咁以後D古惑仔就會隨街摑D差佬，跟住就話自己唔正常有病咪得囉！哈哈哈......