終於開晒MODE喇～Devil May Cry 4(page 2)

marcolau

Devil May Cry 4 (DMC4)
一向我都係支持XBOX360多D，但因為之前兩個版本都有demo download，
經過我分析兩個版本之後，結果決定買PS3版，因為PS3明顯比X360版流暢...
朋友話只係少少分別，但X360有得開成就，好玩好多bo....，對得黎講，我要求係玩一個完美遊戲，大家同樣價錢，我梗係買隻靚D架啦.....
最後CC(朋友)同我講，原來X360版cut左開頭首歌........

講翻遊戲本身，capcom今次出得相當唔錯，尤其畫面表現，已經比之前在X360出嘅兩隻遊戲好，人物面相亦相當細緻，令我對日後嘅BH5有更大信心...^^
爽快度相當高，但如果想隨心出招，就千其唔好選擇Automatic，可惜係PS手掣玩得太耐真係手抽根......
頭3個難度本身唔係太高，但boss級大多全畫面攻擊，有點過份。
視點亦係DMC4最大問題，經常搞到角色行來行去，而且有時打到連人都睇唔到，得個估字，令爽快度減低不少。
誠意亦有點欠奉，一個BOSS打3次，一個版圖行兩轉，咁就玩左20版...死未，但平心而論，即使重複得多，但在故事下要用兩個角色，而且攻擊同玩法都有分別，因此仍然可以接受。
我爆左頭3個難度，在唔同難度下，不單敵人更勁，而BOSS攻擊模式亦有少許唔同，所以唔可能用同一手法去爆機，令耐玩度相對增加。
而DMC系列最大吸引之處就係評價系統，大慨等於hit數之類，可以保留，
即係在版面中當打到A級，只要冇被擊中，你仍然係A級，但擊中之後就變回D......
當然最難打出就係SSS...^^(下面我會寫出一D容易取得SSS嘅地方)

最後有一點大家要留意，好多人都唔鍾意睇爆機之後果D 製作人名單，
但係在製作人名單，NERO(今集主角)要保護女主角唔可以俾人攻中，
如果你保護佢或飛左製作人名單，你就睇唔到隱藏ending架喇...^^


畫面真係有翻咁上下架...^^


今集女主角，由一開始就俾人捉左，真可憐.......


依個BOSS真係好難可以打到詔高嘅評價...~.-


在眾多BOSS中Echidna(花女)係最易打出SSS的。



SSS(Smokin'SickStyle!!!)之路...... -\/-
評價系統 = Deadly! -> Carnage! -> Blast! -> Atomic! -> Smokin'! -> Smokin'Style!! -> Smokin'SickStyle!!!

今次直接影自己部電視，所以有D.....^^
我係用SON OF SPARDA mode(困難)打嘅，因為要輕易打出SSS，最好係玩SON OF SPARDA mode，因為敵人體力大，所以你可以全情連招，一般遇上4~5隻騎士等強勁敵人，都可以輕易打出SSS.....^^

我未正式玩之前，CC同我講話好難攞到SSS，咁我未又試吓有幾難囉，
之後去到得10版(大石像果版)，一開始右手面就有個神像，只要你不斷打就會有SSS(其實每個神像都有唔同等級)，咁我就打俾CC同佢講啦，點知佢話，打神像唔算，要打敵人先算勁(佢話youtube有條友打到好勁，但我睇過只不過係HUMAN mode打法，而且打得好慢)，仲要係用NERO先難攞。
作死丫，你唔係為左想開SSS成就咩，咁我有個咁簡單方法又話唔夠勁....~.-

咁我又努力過，但發覺唔太難，在HUMAN mode(最低level)用但丁(第二男主角)已經可以攞到。
不過CC話用NERO難D，結果我又用NERO攞埋.......

其實NERO比但丁仲更加易打SSS，因為NERO有鬼手，可以將敵人拉近再連招.....
有時遇到D瞓低左又唔起身嘅敵人NERO可以用鬼手拉起再連招，超方便。

以我黎講，只有第8版BOSS(天使)同20版BOSS(教皇)比較難拎SSS之外，其他都可以用魔化攻擊拎到SSS，
由於天使只有好少時間可以直接攻擊，所以要同佢鬥長命，但可惜我冇咁嘅耐性。
教皇，但因為佢太多全畫面攻擊，我頂多打到佢SS就中左招，所以都係放棄算喇......
而一般敵人只要有4~5隻，連魔化都慳翻就拎到SSS。


BOSS戰基本上只要先用魔化，再不斷攻擊打至A(有時B都得)，最後用鬼手攻擊就可以打出SSS(右上角)


依幾隻都係好易打出SSS嘅敵人，而且在困獸鬥下，因為距離細，所以打完一隻，追都唔駛追就可以捉另一隻打....好方便架。
當然地困獸鬥一D都唔好玩。


第19版嘅5隻騎士，得諗好多人都怕左佢，因為佢地鍾意一齊攻擊，中左又冇左一大行能源.....
但係只要留意金騎士幾時出波，當佢出波時開槍反彈就可以一野KO晒佢地，即刻SSS。


第18版BOSS亦係相當易拎，基本上只要在打到第3珠以後都冇受傷(盡量)，
在第二階段時佢一出現大頭果吓就不斷用刺針，好易打到佢定型，之後跳落去又不斷用刺針，就咁就SSS.........


第18版BOSS仲有一個好易拎嘅方法，就係在第一階段跳到去有一個電射同兩個騎士嘅地方，再開電射引兩件騎士中招，兩三野就又一個SSS....

[ 本帖最後由 marcolau 於 2008-2-21 23:48 編輯 ]

大佬John

竟然仲有時間打機, 我上年三月買既game, 依家都未玩

kennykky

原帖由 大佬John 於 2008-2-16 11:54 AM 發表
竟然仲有時間打機, 我上年三月買既game, 依家都未玩

佢好耐無砌野啦,一定係掛住打機同入貨

marcolau

原帖由 大佬John 於 2008-2-16 11:54 發表
竟然仲有時間打機, 我上年三月買既game, 依家都未玩

你有打機嘅咩.....^^

marcolau

原帖由 kennykky 於 2008-2-16 12:47 發表


佢好耐無砌野啦,一定係掛住打機同入貨

係呀，我煲左4~5日架喇...^^

DVD迷

咁你取到無限魔人未???Smilies011 Smilies011 Smilies011 (我未?:Q )

marcolau

原帖由 DVD迷 於 2008-2-16 23:44 發表
咁你取到無限魔人未???Smilies011 Smilies011 Smilies011 (我未?:Q )

邊有無限魔人架......

大佬John

舊時打PC囉

DVD迷

原帖由 marcolau 於 2008-2-16 23:54 發表

邊有無限魔人架......

有的,不過要玩難道高爆機後,會出現一個打100層的地獄格鬥,當去到第100層打到最後大老後,就可以得到無限力量的魔人了...Smilies011 Smilies011

marcolau

原帖由 DVD迷 於 2008-2-17 00:22 發表


有的,不過要玩難道高爆機後,會出現一個打100層的地獄格鬥,當去到第100層打到最後大老後,就可以得到無限力量的魔人了...Smilies011 Smilies011

哦.....地獄格鬥我開左喇...
不過超難打，我打到17層，
都諗住唔鬼打，因為完成左主線故事就算。
但如果有無限魔人就要打吓喇，不過真係好地獄........

岩岩爆左第5個mode，依加剩翻第4個mode未爆.....
第4個mode超難打，第一版都過唔到........似乎要用無限魔人先爆到。

[ 本帖最後由 marcolau 於 2008-2-17 01:24 編輯 ]