Wii 成功在那裏?

faith

大家覺得 Wii 其實點解會咁好賣?
就我自己的睇法,以價錢計,佢行貨雖然係賣 $1700, 而其它 XBOX 及 PS3 都過二千,但買Wii的話一般都要買埋佢好多配件先好玩(eg.motion plus, wii fit.......etc.),而計埋呢d配件的話價錢其實又唔係低 XBOX 或 PS3 好多.........
至於就機的性能來講,我諗佢算係最弱,事關PS3 及 XBOX都去到高清,但佢就無
XBOX 及 PS3 係銷量開始跌的時候,就推出 slim 版,當然不是就咁縮細部機就算,而係改良左三紅,散熱等問題,但 Wii 就乜都唔駛攪,只需油黑部機個外殼,推出部黑色版,咁就可以谷番個銷量,真係服左佢............

其實我近排諗緊好無買部 Wii, 但諗來諗去,兼且 XBOX 及 PS3 的體感又就快出,紿終好難說服到自己去買...........(但奇怪在每次經過黃金,都多數會見到有人出部 Wii)

七彩小生

好似我或細路咁, 打機唔想又睇MANUAL又睇攻略, 一埋牙就[切], 簡簡單單.
加上有減肥gimmick ,女士又buy.

simon

我覺得 wii 對細路同女士吸引多 d , 而 PS3 我放埋一邊好耐喇 ...

timka

D GAME好多都老少咸宜, 而且玩同睇既都開心
廣告好簡單直接話你知玩既時候係充滿快樂
呢樣我諗就係佢成功既地方...

@肥狗仔@

其實當XBOX360推XBL同PS3推HD時~已經知道兩部機主打核心玩家嘅市場~而Wii嘅市場就大好多~體感遊戲唔止係核心玩家~無論男女老少都岩~平時唔玩遊戲嘅都會買返部~而且瑪利奧本身就係個超級品牌~唔少人會因為隻game而去買機~過去Wii出左瑪銀﹑瑪車﹑新超瑪﹑瑪銀2等等令Wii保持住一種唔會完全同核心玩家脫節嘅關係~兩個因素都令Wii長賣~~至於Ching講果幾個問題個人認為同Wii嘅成功唔太大關係~話Wii冇高清的話~其實呢家用傳統電視機嘅人仲好多~加上Wii好多遊戲都冇受機能嘅束縛~可玩性唔比PS3/360嘅遊戲低~當然Wii仲有體感遊戲~~而Ching話Wii冇出slim 版~因為佢本身已經好細部同價錢較低~而且冇三紅及散熱等問題~加上部機係好賣~所以冇必要急於改變品牌形象~如果話出黑機係谷銷量的話~我唸佢要學下PSP了~~不過Ching講出左個重點就係價錢問題~因為PS3同360嘅體感設備都要另外買~而且價錢預左唔平~所以我唸短期內Wii仍然會有價錢上嘅優勢~如果想玩體感遊戲的話~Wii同Kinect應該會成為玩家嘅主要考慮~不過個人始終認為任天堂手上嘅王牌係主機上嘅「創意」~呢樣先係Wii成功嘅主要原因~

hanabi

Wii勝在任天堂遊戲質素
操作容易, 大部份遊戲只用2個制搞掂, 初學者都冇問題
唔似得PS3/360往往要用盡8個制

chingok

自己乜機都有,我會用"簡單"兩個字o黎形容Wii:
1)遊戲開發簡單,成本/技術亦比較低,成為二三線廠嘅"救生圈"。
2)承接上題,game亦自然比較簡單化,唔似得Xbox/PS3咁。
3)承接上題,就吸納到"non-機迷"嘅一眾,人數分分鐘仲會多過"機迷",因為除o左你同我之外,仲多o左呀花師奶、佢個女、同埋老豆、商台DJ.... 一齊玩。
4)加上老牌子典堂級嘅陳年game,仲有佢支搖控,真係重大發明!

我諗係咁掛....,反之話技術層面高o的嘅PS3,支新手制就真係無咩睇頭,抄足Wii....

發送自我的 HTC Desire 大板凳

hkc311

簡單易用, 又唔洗HDMI, 又唔洗色差, 又唔使AMP, 絕大部份家庭都可以玩.

阿定

1. 硬件 - 由第一日開始已經賣一件賺一件，PS3/XBOX 都係賣一部蝕一部，要靠大家買Game補番數，變相Game更加賺唔到錢

2. 第一方遊戲 - 即老任自家遊戲非常出色，其它機的第一方只有 XBOX 的 HALO 比較好，但同Mario比，還是差好遠

3. 遊戲成本低，回報高，第二方及等三方都幾於為其開發遊戲，正如pt1所講，賣Game唔需要補貼機價，開發商回報已有保證

4. Game 多自然主機銷量高，加上賣價一開始同 XBOX/PS3 比較已經有優勢，市佔率高，加上問發容易，絕大部份遊戲開發商都樂意在穩贏的情況下開發，XBOX/PS3 畫面靚，要求高，成本高，好多時都會蝕錢，以FF13為例，需要由PS3獨佔改為 PS3/XBOX 共享，再以GTA為例，要由XBOX預先出錢給其開發，才能開賣，否則連風險評估都過唔到！

accesshk

simple is beautiful

PS3 / XBOX - for 核心玩家 only
Wii - for 核心玩家 + 非玩家

Party 看門口必備