出租天使... J J 小評 (含內容)

lkljason · 發表於 2010-8-1 18:52

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 lkljason 於 2010-8-1 19:20 編輯

今日一家三口搵戲睇，當中有三個選擇，包括唐山、叛諜狂花同呢套出租天使，一套無諗過會去戲院睇既電影，就算真係睇最多都係等出碟，未睇前預計呢d劇情差極有個譜，加上演技派既男主角谷原章介，唔識佢？假如睇慣日劇既你一定知佢係邊個，仲未知？呢........咪拍纖型老西果個男主角囉！

講翻個故仔係講女主角因為童年發生左d野，為左唔比機會自己再被人傷害，所以寧願做左勁多衰野直接或間接傷害人先 (歪理)，直至認識左患有絕症既男主角，一個唔善於同人溝通既老師，同一個勁曉同人溝通既援交，咁就發生左一個童話式既故仔，而日戲當然唔會齋笑料啦，近尾聲整d催淚劑你嘆下，我反而嫌佢未夠煽情勒，再多小小就仲正，而家最多叫眼泛淚光果隻，即係仲頂得住！

總結：鐘意睇日劇既我就一定無投訴架啦，加上男女主角都順眼，120分鐘對我黎講無乜悶場，可以一看！

題外話：日本戲名叫做天使之戀感覺浪漫d，港譯出租天使好似有d將套戲既賣點落左去援交呢度，但實際上我覺得套戲focus並唔係呢樣野！