小小HDMI用後報告!!

smalltaste

原本小弟只係用緊普通既HDMI線，約HKD2XX-6XX...但近來同一班同好既朋友講開，點之一講就立即升級....由安記805升去Y記Z7...但都唔夠喉，於是同太座再攞批文...之後就係今次既HDMI報告...一連入咗幾條線(全部2米)...
1. QED Performance (Media Player ->AMP)
2. QED Reference (BDP -> AMP)
3. Wireworld Island6 ( PS3 -> TV)
4. Audioquest Forest  (MTV3K -> Plasma, AMP -> Plasma)
5. IXOS XHT658-200 ( HTPC -> AMP)

其中第 2 & 5 係有用"銀"既...所以先咁樣駁法(經試過後才決定這樣駁!!全完係小弟喜歡，不喜勿插)。上排先賣晒手上大部份既玩具，點知都係身痕，又買返新既入嚟 (好彩太太都同我一樣喜歡睇戲，所以先批出批文!!)。
好啦!!用後感開始!

上面所講5條之中最後嗰條應該係最少人講同用過。但點解我會買呢? 就係因為我在英國既朋友話比我知呢個牌子起嗰邊都有唔少人玩，同埋佢都有玩過，係唔差既，於是我就接佢返嚟。最初我係把所有線由BDP直駁去TV，因為我想知道究竟邊條係畫汁最好既。點知到最後同我所想有點出入。QED P線同 AQ F線係好高性價比(相對跟機線，約數十至百多元)，當然都係重有NOISE，但已經少咗一點，而無可否認係畫面實咗同無咁震，尤其係字幕。QED R線出嚟既效果比原先既兩條係更好既，並且係明顯再光咗少少 (真係睇得出，太太一邊睇雜誌，而我駁好後再叫佢比點意見之際都睇得出!!)。之後我駁I記，再叫太太比點意見，得出同我既係一樣，同QED R線一樣，沒有大分別，最後，就係認W記，此線比到我同太太一個感覺...就係畫面係真係實咗，但畫面光暗方面就相對QED R線同埋I記嚟講，係無咗那種光咗既感覺。只可以乾淨!!

講完畫汁，就緊係到聲音方面。小弟只試了以下幾隻碟
1. U-571 最後狂爆嗰段
2. EVA破 中段真嗣用初號機對使者後天而降嗰幕
3. G. I. JOE 在城市追逐嗰幕
4. 明日之後 海嘯嗰幕

5條之中，令我同太座最滿意既係QED R線，因為佢高頻同低頻都唔錯(尤其係U-571同EVA...聽得好開心!!!)，而且最重要係聲音唔會太薄 (相對另一隻-->I 記而言，I記真係太薄)，而另一隻品牌 AQ F線就比之前我用開既平價線好咗唔少，較令我同太太對此線留下印象既係佢既平但唔差，出嚟既音效相對係較闊，可以用開揚嚟形容。但絕對唔可以同 QED R線同 I 記比較，而小弟個人認為 AQ F線係平，但絕對係收得貨有餘。W記起聲音方面，可能呢條價位平，又或者係呢條對呢方面係真係太弱，毫無驚喜!!!!所以不提也吧!!

以上係少少報告!! 多謝收看!!

kenneth529

ching ,QED Reference  is 1.4hdmi??
& how much????

smalltaste

無寫係1.4 ....只係印有 1.3..連埋運費要 eur56.29..當時銀行以9.72xx去計...即係HKD550左右!!!...但呢條我相信係可以當1.4用...因為 1.3有大致上可分為 std 同 hi speed兩種std 只可以去1080i或以下....而hi係1080p(有錯請更正)....以小弟所知就係條線指明可以行1080p...咁都應該可以行到1.4.....但1.4當然重有得細分，因為1.4特別在可以一條 hdmi 可以做到聲音回傳 或 當 lan線咁樣用...see?

sonic310

謝謝分享.....睇左好多師兄分享線材心得.
小第還是滿意 Chroma™ 6 既表現.只因中等器材配呢條線.表現唔差...暫時夠了.

慢慢升級吧

bugigi

好有心機喎ching....
我都覺得qed R 唔錯

ziv

謝謝分享,睇完報告後我應該會入條qed R 玩下,thanks

smalltaste

唔洗客氣....只係一個感想!!!

bugigi

謝謝分享,睇完報告後我應該會入條qed R 玩下,thanks
ziv 發表於 2010-7-31 11:13

不如入signature 啦…
個價掙少少咋

pittpitt123

唔知 HDMI 線駛唔駛 run-in ?