志明與春嬌.....J J 小評 (含內容)

lkljason · 發表於 2010-7-27 19:18

本帖最後由 lkljason 於 2010-7-27 19:59 編輯

好耐無睇過關於粗口而判定為3級片既電影，當然除粗口外，加埋食煙場面都係呢套戲導致成為3級片既原因，不過千其唔好誤會係乜野黑社會或者社團既戲，相反呢套其實係係一套愛情既小品，而當中d對白都係某類人既一般交談方式，當然你要頂得順裡面d粗言穢語啦！

故事都係講因為禁煙條例實施後，一班煙民要圍住個垃圾筒"打邊爐"，而志明同春嬌就係o係呢個環境下認識，o係姣婆遇著脂粉客既情況下當然一o達即著啦，但引申到就係志明覺得個關系好似黎得好快 (真係幾快架，因為成個故仔都係o係一個禮拜內發生)，所以有d想"褪呔"，最後梗係大家發覺到都係鐘意對方Happy ending散場，當中既細節都算拍得唔錯，而配角既選角都係呢套戲既成功因素之一，尤其谷德昭o係便利店裡面食煙果度真係笑死，余文樂同千化既角色感覺都係做返自己，所以你會覺得佢地做得幾自然，所以佢地既演出係稱職既。

總結：彭浩翔既電影不嬲都有捧開場，例如佢既買凶拍人亦都係令我有驚喜既電影，呢套亦都唔例外，值得一睇！