[定の影評] 非看(3D)不可的 Toy Story 3 (不含戲情)

阿定 · 發表於 2010-7-16 09:44

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由阿定於 2014-2-7 12:46 編輯

昨晚去左圓方六院睇廣東話版的3D Toy Story 3，故事 10分畫面10分聲效9.5分廣東話配音9.5分

遲入場無得睇正野
1. 神風終極戰士3D 的 3D Trailer，d 火同水飛來飛去，非常立體，由於係鬼佬打功夫，我本來想都唔想就知一定唔會睇，現在要重新考慮，因為d 3D 特技真係好正
2. Samsung 3D LED TV 廣告，即係平時電視見到果個有藍色湖碟飛來飛去同大瀑布係馬路中心果個，真係估佢唔到3D版廣告會有咁震撼的效果，有即刻買番部Samsung 3D 電視的感覺
3. PIXAR 正片前一向都有 short film 睇的，今次呢個 short film 都好好睇，叫做日與夜，都係3D的，非常有趣，千萬唔好錯過

講番套戲，由於唔想爆戲情，所以只講少少就算吧，一開場有追逐戰，非常爆笑，如果有買 XBOX/PS3 隻 Toy Story 3 Game 的話呢，你會知我講緊咩，如果無買隻Game的話呢，不妨睇完套戲考慮下買隻Game返去玩，跟著的戲情，就係ANDY上大學前發生的事，為免戲透，唔多講啦，3D畫面，除左比我已經睇過的3D 一二集重製版好好多之外，都真係唔錯，有不少位同 UP 有得揮，所以畫面我比10分，結局方面，非常出人意表，你就當我蠢吧，我真係估唔到佢地係咁樣樣逃出生天，所以故事我都比左10分就咁解啦，音效方面，可能係配音版吧，感覺都係差少少，但始終卡通片追求的唔會係聲效，而且圓方有震椅，所以一樣係咁滿足，廣東話配音仍然好生鬼，之前聽人講容祖兒配音一般，但今次Toy Story 3 可能戲份唔算好多，所以我覺得合格有突的了，所以配音同音效我同樣比夠9.5分！

另外提外話，今集3眼仔戲份重左好多，可能同現實生活受歡迎有關，所以戲份重左好多，而可能因為宮崎俊的動畫發行交左比Disney有關，所以以你會見到龍貓係 Toy Story 3 入面，非常搞鬼，而且龍貓身型唔細，所以都幾搶鏡架！