請各位Ching介紹其他好嘅家居電話服務！(28/7 今日續咗約)

jt24

我固網電話將於8月合約到期，早前收到PCCW嘅通知信話照原計劃同我續多18個月約，佢就想喇！我嘅原有計劃係18個月約，月費$110，每月回贈$22，免兩個月月費，另加200分鐘IDD，平均每月$78.22。其實呢個plan喺兩年前我已經傻仔咗o架喇！當時冇上網參考其他網友嘅意見，應該可以做到更平嘅plan嘅！點知年半後佢竟然用番呢個plan同我續約，真係當我傻嘅！今日我按佢信裡面提供嘅電話打去同佢傾吓，諗住佢會畀個好D嘅plan我啦！點知經過幾次轉電話之後，嗰位姐姐竟然畀呢個plan我：12個月約，月費$99，免3個月，另加200分鐘IDD，平均每月$74.25，咁同我依家個plan有乜分別，我話如果唔要IDD平幾多，佢話一樣，因為我係舊客至送畀我，真係激鬼氣，我一怒之下，我話枉我用咗你哋成廿年，我知道有人續約做到平均$34一個月，你哋畀我嘅plan就係呢個，我叫佢寄張cut form畀我cut鬼咗佢，佢話cut咗就會冇咗個號碼，我話唔緊要，跟住收線！依家我諗住轉用其他公司嘅家居電話服務，請問各位Ching用緊邊間呢？好唔好用，接收有冇問題呢？貴唔貴呢？如果搵唔到好嘅，我就索性唔要家居電話，剩係用手機算囉！仲可以慳番添！

spadeace

你試下同佢fight 下唔要IDD睇下點
我做到110/月, 1半月免費, 平均55
依家好似做唔到34, 出cut form 做到44

jt24

回復 2# spadeace
之前我續NOW嗰陣，個sales都話平均$55一個月o架啦！今日呢條姐姐仔真係離晒譜，畀個咁嘅plan我，仲喺度不斷sell我join手機plan，我話已經啱啱續咗其他公司嘅約，佢就話你屋企其他人都可以o架！真係畀佢吹漲！我主要係傾固網咋！

sunny

我固網電話將於8月合約到期，早前收到PCCW嘅通知信話照原計劃同我續多18個月約，佢就想喇！我嘅原有計劃係1 ...
jt24 發表於 2010-7-13 19:48

師兄你家有否其他公司選擇?如獨市PCCW唔會做咁平給你・如我家4間固網到戸、所以HKBN$33兩年約送全套増値加風筒、

jt24

師兄你家有否其他公司選擇?如獨市PCCW唔會做咁平給你・如我家4間固網到戸、所以HKBN$33兩年約送全套増値加 ...
sunny 發表於 2010-7-13 20:22

Sunny兄，我嗰度應該唔係PCCW獨巿嘅，香港寬頻就一定有，兩年約，每月$33，真係好抵吓喎！新客做唔做到o架？喺門巿問定係打電話去問呢？仲有佢接收好唔好嘅呢？唔該晒！

sunny

回復 5# jt24
年尾先約滿、HKBN預先打來續約、比開$67現$33給我、即時生效、質數幾好・

jt24

回復 6# sunny
我諗新客應該未必做到囉！

sunny

回復 7# jt24
打上去問下再去街霸格下。

jt24

回復 8# sunny
想問Ching香港寬頻點樣將線入屋，係唔係用番PCCW原有嘅插頭嘅呢？

spadeace

香港寬頻好大機會係用VoIP的
講真, 固網我會揀PCCW或者和仔lor