《志明與春嬌》藍光碟有獎遊戲**P.9公佈抽獎結果**

giralda

既然唔洗錢,咁咪睇下攞唔攞到....

cats977

從冇諗過圍埋「打邊爐」吹吓水可以拍成套戲.......所以都想睇吓<志明與春嬌>

auklr2a

本人不吸煙, 想睇吓煙民故事

lukalok

冇入戲院睇 唔等如不支持港產片。別人既處境你又了解幾多呢？
大家都係地球人，煩請互相尊重。 ...
dts6.1 發表於 9-7-2010 10:21

    《志明與春嬌》上映個幾月，係近年少見底成本能做出一再加影期嘅電影，有心睇實會揸到時間睇！好呀，畀一啲唔入戲院丶又唔想買碟丶又想睇丶而又支持港產片嘅別人啦！我係對事，大家都係香港人，煩請尊重港產片。

ps. 我對各下嘅電影雙週刊100%支持丶尊重，由#262買到#724摺埋未斷過期，一度有大量色情影碟廣告令人好失望都冇放棄支持。我係將當時電雙唔夠廣告收入，賣唔到書嘅心情一樣咁放喺大家對港產片嘅態度啫。

Ken704

《志明與春嬌》上映個幾月，係近年少見底成本能做出一再加影期嘅電影，有心睇實會揸到時間睇！好呀 ...
lukalok 發表於 2010-7-9 11:40

其實依種心態相信好多香港人都係, 連我D Friend都係甘, 不過除我自己十分支持本地創作. 亦睇得出lukalok兄對電影既熱誠
香港人工作Timing長, 就算鐘意套電影都可能唔得閒睇. 唔緊要, 一套好電影唔係由我地話事,而係由口碑講出黎! 不如大家將焦點放番係個遊戲度好D!

wk213

我不是煙民想看一下怎樣打邊爐...........呵呵

dts6.1

《志明與春嬌》上映個幾月，係近年少見底成本能做出一再加影期嘅電影，有心睇實會揸到時間睇！好呀 ...
lukalok 發表於 2010-7-9 11:40

相信你係針對事。但請你不要用一些語帶 諷刺 的用句來回應。正所謂：言者無心，聽者有意。
尊重版主，現將焦點放回有獎遊戲上。就此結案，本人將不會回應。謝謝。

阿定

《志明與春嬌》上映個幾月，係近年少見底成本能做出一再加影期嘅電影，有心睇實會揸到時間睇！好呀 ...
lukalok 發表於 2010-7-9 11:40

算啦，唔好勞氣，唔去戲院可以有一萬個理由，家家有本難念的經，我以前單身，一個月去戲院睇五六套，拍拖時一個月有時只能睇三至四套，到搬出來兩個人住時，一個月只能睇兩三套，我都怕第時有細路時，一個月都去唔到一次戲院，有時未必同錢有關，人生唔同階段，要抽時間去戲院都唔一定係件易事，不過我都好同意，十萬八萬買家庭影院都肯，買隻碟都唔肯要睇xx的，果d人就真係唔好送比佢啦！如果抽唔中我，我都希望隻碟落係一個平時唔多買碟或去戲院睇港產片的人，可以因為抽中呢隻碟而習慣番買碟或多左去戲院睇就最好啦！

SonSon

只要唔係買老翻同網上download, 去戲院同買碟甚至租碟睇都算唔同情度支持電影行業, 大家無謂爭駁.

furanku

好想睇但係錯過左戲院睇的機會～