TVB擅加頻道講波 有線威脅Cut無綫訊號 (轉載)

jt24

TVB擅加頻道講波 有線威脅Cut無綫訊號 (蘋果日報)
2010年07月06日

世界盃四強大戰明日凌晨才展開，無綫已先與有線開火。無綫昨日決定在有線提供的世界盃聲音訊號中，加插一條自家製講波頻道。儘管昨日有線揚言無綫若違規會即時中止訊號，但無綫冇有怕，強調加多一條頻道無非是加強對觀眾的服務，一場電視台大戰一觸即發。

無綫高清翡翠台和亞視高清亞洲台，將於明日凌晨直播烏拉圭對荷蘭、後日凌晨德國對西班牙的兩場準決賽，及下周一凌晨舉行的世界盃決賽，訊號由有線一台提供，兩台須播出有線講波畫面、廣告及評述員聲音等。

但無綫昨日開會後，決定在有線提供的聲音訊號中加插一條無綫自家製頻道，由身在南非的馬啟仁聯同香港的鍾志光、張國強和李偉文等一起講波，即觀眾除可收聽有線提供的英語和廣東話聲音外，還可選擇無綫講波訊號。

「畀多個訊號觀眾選擇」
對於無綫決定，有線態度強硬，有線世界盃籌委會經理曾展章昨在電話說：「佢哋加同減都唔可以，要全部播放我哋提供嘅嘢，由頭到尾原汁原味播我哋嘅節目同廣告，有任何偏離都係違反合約。如果佢哋偏離咗，即係毀約，我哋都冇辦法，咪掹佢 signal（訊號）囉，觀眾可以睇 ATV（亞視）。唔使做埋古古怪怪嘅嘢。」

雖然有線揚言若無綫違約便掹線，但無綫冇有怕，在經過法律部門研究過合約細節後作出決定。外事部副總監曾醒明昨在電話說：「我哋完全遵守合約原汁原味播出有線一台訊號，滿足有線同我哋嘅協議，我哋只係強化對觀眾嘅服務，畀多個聲音訊號觀眾選擇。」有線揚言「掹線」，曾醒明說：「 Cable（有線）提供嘅聲音訊號完全唔受影響，我哋係以球迷為依歸啫。大家都係負責任機構，如果佢哋做呢一步（掹線），公眾自有判斷誰是誰非。正如佢哋請人食鹹魚雞粒飯，我哋煎多嚿鹹魚畀大家，咁對原本碟飯冇影響 o架。」

大家點睇呢單嘢？有線真係乞人憎！如果佢真係咁做，肯定畀人聲討！

阿定

我反而覺得無線唔應該搞咁多野，一係就完全唔好播，一係就正正經經，轉播左就算，有線係賤，你咪唔好播，比ATV獨播算數

shing517

咁大間公司咁小家...但係在商言商...唉

Hidekii

有任何偏離都係違反合約。如果佢哋偏離咗，即係毀約<<<

都幾好笑, 有線係最冇合約精神既公司, 依家反而強調合約精神

DevilElvis

講真，TVB都係走法律灰色位，Cable cut 你根本合情合理 (你睇曾醒明條友又拋公眾利益都知佢地無十足肯定無違約啦)

何況又有hdatv睇，對有機頂盒的市民無乜大影響

唔鐘意聽有線講波的人,去買魚骨收CCTV HD la

PP-HK

越來越覺有線黑人憎, 到期都係cut鬼左佢。

Challenger

有線今次世界盃發窮惡

w00tw00t

回復 7# Challenger


    me-too

Raphael

有任何偏離都係違反合約。如果佢哋偏離咗，即係毀約

我同意佢呢句; 但問題係, 無線今次呢個做法, 又好難話佢偏離咗
如果一個報販, 賣蘋果日報, 送多一份東方日報俾你; 唔通蘋果可以話個報販改動咗佢份報紙??

DevilElvis

有任何偏離都係違反合約。如果佢哋偏離咗，即係毀約
Hidekii 發表於 2010-7-6 09:58

have e.g.??