葉問前傳

mafai2000

之前看了<葉問前傳>預告片, 對此片好有興趣, 而幸運的是, 我參加了某AV周刊的遊戲, 竟然得到兩張換票證, 實在太好了~
今天晚上, 就用換票證到旺角GV看了這部<葉問前傳>~





看罷這電影, 整體都很好看, 詠春手法很多, 打法真實, 比葉問1,2 更好看~!!
而且前半段的故事, 都跟足事實, 但講到葉問到香港讀書時, 巧遇佛山贊先生之子, 梁壁當時不是一個老人呢. 都是為了給葉準去演這個角色~

此片打鬥場面有很多場; 元彪, 樊少皇都是真功夫打得之人, 再加上笑位也不少, 詠春迷更是不可錯過呢~~
出blu-ray的話, 我一定會入來再看~

mtvbb

我前日睇左
非常失望
不過對編劇功力. 真令人眼前一亮, 果然有加入自己原素既影子既強

女角我真係忍唔住口爆左句, 真係好似祖男
男主角, 木獨無表情, 無感情
如果唔係跟風先前既葉問打鬥風格既, 打鬥場面, 完全唔掂
葉問係咪勁到讀一年聖士提反就流利英語.....我唔知係作野定點
不過如果作既, 就不如勁D, 講佢出外留國, 去劍橋,牛津.............
講到底又可叫原創, 有創意

導演

我都睇左, 一般啦....  好多一兩鏡既 artist 出場, 杜宇航在業問2入面個角色演得好好, 但個人覺得佢專登做業問o個種斯斯文文返而生硬(功力未夠), 最慘係我在 Mega Box 3院睇; 完全 feel 唔到低頻, 攪到無哂 feel...

小瑟

呢套戲既評價好壞參半喎~~~

marcolau

買就一定買，
不過都係各花各眼啦....冇咩特別........

我比較中意睇葉準打詠春果段，其他位好一般..

tennishk

昨晚睇左，唔知係導演要杜宇航刻意木口木面定佢演技唔好，不過都預左佢冇乜演技，戲中有一首歌，唔知邊個唱，但係錄音都覺得唱得好Q難睇！
其實諗住有洪金寶才入場，但原來佢只係客串！
講到打鬥，其實我覺得葉問前傳好過葉問2，葉問2成套戲我覺得係八仙檯一場打得好睇，其餘打鬼佬同魚攔既兩場都唔好睇！其中魚攔一場子丹用好多替身更另人失望！

元彪, 樊少皇亦冇浪費佢地既身手，當中尾場樊少皇用埋空手道同游術打...唔好再講啦，唔係就爆劇情比人鬧！

總括而言：唔算好好睇，劇情唔夠章力，唔會有帶住你追落去感覺！武打方面我覺得唔錯，我
但我老婆睇完亦冇話好悶，咁都算收貨啦。

@肥狗仔@

昨晚睇左，唔知係導演要杜宇航刻意木口木面定佢演技唔好，不過都預左佢冇乜演技，戲中有一首歌，唔知邊個唱 ...
tennishk 發表於 2010-7-1 09:09

    丹爺葉問2用好多明顯嘅替身~不過冇法~人地手腳都買左成億保險~就算丹爺想駁~保險佬都唔比佢駁~不過呢d武打明星拍戲又要就住d舊患~好難講~打得好睇最緊要~

tennishk

丹爺葉問2用好多明顯嘅替身~不過冇法~人地手腳都買左成億保險~就算丹爺想駁~保險佬都唔比佢駁~不過 ...
@肥狗仔@ 發表於 2010-7-1 09:32

據悉丹爺葉問2用好多明顯嘅替身唔係因為危險，而係因為導演拍完有部份要改，但丹爺同時要拍另一部戲，比唔到期導演，所以你會見到葉問2有好多非危險鏡頭丹爺都同樣用替身！

還有一個傳聞，(只係傳聞)子丹唔大高興杜宇航拍葉問前傳，所以葉問2上映做宣傳時，子丹指定唔叫杜宇航去！
所以葉問2上映做宣傳，大多情況係冇杜宇航。

@肥狗仔@

據悉丹爺葉問2用好多明顯嘅替身唔係因為危險，而係因為導演拍完有部份要改，但丹爺同時要拍另一部戲，比 ...
tennishk 發表於 2010-7-1 09:47

    係?我未睇前傳~但前日重溫葉問2果陣發現杜宇航做呢d二三線角色都入型入格~但做主角就真係= =~如果傳聞真確~咁丹爺都有眼光~自己冇得做主角事小~毀左葉問形象事大~聽講杜宇航版葉問仲會繼續拍~希望唔好做壞去啦~現在期待一下黃生嘅「一代宗師」^^~

mafai2000

呢套戲既評價好壞參半喎~~~
小瑟 發表於 2010-7-1 02:24

我未睇之前, 都聽過D comment 話呢套好差下, 但睇戲呢d好個人既, 好似食野咁, 有人話好食, 有人話難食一樣, 咸魚白菜, 各有所愛~
無所謂既, 其實我入場只為看詠春既武打場面, 已經好滿意, 收哂貨啦, 至於其他d...做得唔好既地方, 我 auto-skipped... haha~~

最難得係, 連我老婆睇完都同我講左句, 佢都有興趣學下詠春, 係我習多年詠春都無聽佢講過既~ XDDDDD

呢套前傳既詠春打法, 同之前葉問1,2 完全唔同, 前傳係比較真實, 也有很多不同既手法, 唔似1,2 一味出連續日字衝拳~ :p