限制為了什麼? 難為了新人啊 !

avhunter

我係 AV 新人, 又係討論區新人, 本打算在二手區徵求物品, 但原來要有 200分才可以在二手區出 post. 然後我就開始努力發言, 想要多 d 分數出 post, 但 1hr 又只可以回覆 5次

等了一星期多, 我還未可以夠分出 post, 開始沒心機了, 現在開始打消買二手器材的念頭, 開始去 av 店睇新機.

其實 set 了這麼多限制阻止新人新手發言, 是討論區的精神嗎? 或者可以阻止人亂出 post, 但我一心出 post 徵求東西就困難了 !

可否考慮取消 200分的限制 or 降低 200 分的要求?

wil-wil

咁樣既安排當然根據以往呢到發生過多次既不快事件，如全職做二手買賣既人、一心欺騙版友賣假野既人、一心想黎玩野基本無野賣既人等等!  我地係想好好保障支持我地既版友，所以因此帶黎不便的話，亦深表歉意!

但同時，任何網站都嚴禁灌水，如果在短時間內外回覆太多帖，且每個帖都係短短兩三個字或公仔表情的話，系統都會自動介定為灌水行為，通知我地刪除相關帖。

希望大家明白我地係想有家有心享受玩影音樂趣，而唔係想黎買或賣野。係的話，就當然有更多其它網站會有更好選擇。

avhunter

希望大家明白我地係想有家有心享受玩影音樂趣，而唔係想黎買或賣野。係的話，就當然有更多其它網站會有更好選擇。

明白各討論區都有各自的文化, 我都係有心玩影音的新人, 唔係二手佬, 亦都不是為了買二手東西而開 ACCOUNT.

二手區係提供介面給有心人去自行賣買東西, 如果唔係俾人黎買或賣野, 看來二手區在這裡沒有價值. 我只是提出我的問題 CASE, 不代表我只是想買賣, 到我買齊所有器材, 可以出 POST 分享証明.

知道這網有很多支持者, 多一個唔多, 少一個唔少, 回應"其它網站會有更好選擇", 令人不爽.

作為版主之一, 請慎言, 新人都是你們網站的資產.

阿定

人地版主的意思係post76的文化係討論影音為主，呢個才是賣點，如果目標係買賣野，有其它更專門做賣買的網站，人流比呢度更高，賣買二手係76來講，非常次要，某程度上只係唔想會員係影音版開帖賣買，才會另開二手版，二手版係for會員用，但情況同y拍有少少唔同，y拍用身份證明文件或信用卡做認證，呢度用會員資歷做認證，多點發表意見，自然高分，而且亦會受其它會員認識，增加買賣時的信心而己！

avmaster22

支持版主。我都係由新人開始，慢慢升级。制度既設立就係防止資源被濫用。

- 发送自我的 Milestone 大板凳

avhunter

人地版主的意思係post76的文化係討論影音為主，呢個才是賣點，如果目標係買賣野，有其它更專門做賣買的網站 ...
阿定 發表於 2010-7-1 20:43

明白.

作為新人, 當然是從沒有器材開始. 在這裡, 買東西不是我目的, 我想在討論區中得到更多知識和建議. 但看到這裡有二手區, 我自然就有徵求二手器材的想法. 二手區是否次要, 我不知道, 我只想說出我在這網遇到的問題而已.

這區是 "意見或投訴區", 作為新人的我想表達一下"意見", 不是"反對"討論區的規定.

wil-wil

好多謝你對我地表達既意見，我地全部聽到晒!

現在版面上既情況、版規既訂定，其實都係按大多數版友意見、版內發生過既事情作配合及調整。加上我地網站係定位為新手網，大部份決定都會先考慮新手情況，所以你既建議我地都會重申考慮，放心。

另外，此版設立目的就係直接收集你地意見、問題匯報等，其他師兄當然都可以同樣發表佢地論點。如果你覺得唔岩聽可以不理，因為你既建議已經直接傳達到 76 版務管理組，謝謝!

明白.

作為新人, 當然是從沒有器材開始. 在這裡, 買東西不是我目的, 我想在討論區中得到更多知識和建議.  ...
avhunter 發表於 2010-7-6 12:23

小瑟

就會員作出之意見, 我地最終決定取消新仔會員每一小時只可以回覆5次呢個限制, 希望可以比新仔會員更多發言既空間.

再次多謝呢位會員比既意見~~