睇世界盃睇世界變 ... (轉載)

wil-wil

轉載自 蘋果日報 2010 年 6 月 29 日網上娛樂名人版

早於 1966 年，香港人便可從電視欣賞世界盃，當年這是窮人和富人共享的盛事，歡呼喝罵聲響徹屋邨每一角落。 44 年後的今日，睇世盃居然要收錢，是時代進步了麼?


《1966 企街睇波》

主辦國：英格蘭
冠軍   ：英格蘭
簡介   ：由海底電纜傳來決賽訊號，由「收費台」麗的映聲播出，沒有旁述。
            在電視機未普及的年代，政府在公園擺放電視機與民同樂。


《1970 隔夜片段》

主辦國：墨西哥
冠軍   ：巴西
簡介   ：比賽片段由飛機空運到港，再由無綫播出，雖會延遲兩至三日及黑白畫面，
            但最重要是免費。港人亦可入戲院重溫精華片段。


《1974  彩色球賽》

主辦國：西德
冠軍   ：西德
簡介   ：無綫首次以人造衞星直播賽事，亦是第一次有彩色世界盃。
            但彩色電視未普及，評述員開波前仍會說：
            「黑白機深色衫係荷蘭，白色衫係西德。」


《1978 阿姐上陣》

主辦國：阿根廷
冠軍   ：阿根廷
簡介   ：阿姐汪明荃原來是第一代世界盃女主持，穿整齊運動服紮辮的她，
            是專業及尊重世界盃的象徵，與體育記者賴汝正同樣穩打穩紮。


《1982 全港皆波》

主辦國：西班牙
冠軍   ：意大利
簡介   ：無綫展開鋪天蓋地式宣傳攻勢，並製作一系列世界盃節目播映精華及
            介紹球隊等。年巴西對意大利的複賽片段，肯定比決賽更引人入勝。


《1986 目擊神蹟》

主辦國：墨西哥
冠軍   ：阿根廷
簡介   ：無綫獨家直播 52 場賽事，港人開始日夜顛倒睇波，
            也見證了馬勒當拿的上帝之手如何手刃英格蘭。


《1990 亞視奪標》

主辦國：意大利
冠軍   ：西德
簡介   ：無綫、亞視一齊播世界盃，亞視派出尹志強、黃霑、阿叔林尚義任評述，
            且上下半場不加插廣告，收視力壓無綫。


《1994 無綫復仇》

主辦國：美國
冠軍   ：巴西
簡介   ：無綫重金禮聘阿叔過檔，加上蔡育瑜等主持將世界盃打造成綜藝節目，
            又派宣萱美國採訪，將亞視打個落花流水。


《1998 阿叔煲煙》
主辦國：法國
冠軍   ：法國
簡介   ：李克勤首次擔任世界盃主持，螢幕上阿叔食煙直播出街一幕，
            比起疑似世紀假波 ~ 巴西慘敗於法國腳下更加經典。


《2002 有線入侵》
主辦國：日本、南韓
冠軍   ：巴西
簡介   ：有線購得世界盃決賽周獨家播映權，無綫只可播出揭幕戰、兩場準決賽、
            冠軍及季軍賽。有線在九龍灣搞嘉年華，總算熱鬧。


《2006 告別雙雄》

主辦國：德國
冠軍   ：意大利
簡介   ：有線繼續獨家播映，無綫依舊製作世界盃節目，其中伍晃榮「天台讀稿」及
            阿叔榮休都是難忘一刻，惜他們已先後離世。


《2010 睇動畫波》

主辦國：南非
簡介   ：有線變本加厲，只容許無綫原汁原味播出有線的世界盃片段，無綫遂自家製作動漫版
            世界盃，可惜劣評如潮。另一方面，海運戲院更以 3D 世界盃作招徠。

Sun811

點解連足球新聞的精華片段都要封殺?難道有錢就可以封殺所有新聞知情權?

sunny

世界盃其中原意應該係比平時無睇波認識足球、而家攪到無曬氣氛.

billychanchan

回想起當年同以家.........

raymond430

回想起當年同以家.........
billychanchan 發表於 2010-6-29 21:10

    依家咩都係錢....唉,咩都係向錢看!

billychanchan

Raymond兄:我覺得唔係幾佰蚊的問題.係條氣順唔順的問題

KING

現今世界體育運動都係同商業排帥呀啦!

shing517

估唔到有線真係咁有錢....連無線大台都唔夠佢鬥....但係FIFA同政府 都應該關注下有線既手法啦...又要簽約又收得貴....

wil-wil

FIFA 應該唔會太理本地買得幾貴，總知滿足到合約基本要求，播到指定場數免費波佢就代代平安個份兩億多既轉播權費。

估唔到有線真係咁有錢....連無線大台都唔夠佢鬥....但係FIFA同政府 都應該關注下有線既手法啦...又要簽約又 ...
shing517 發表於 2010-6-30 02:19