AV AMP改純銀+磨沙紙 之強身健體[有report]

鐵心心

之前小弟部BDP改左用純銀接線後威力大增，聲畫令人感動。
所以今次決定改埋部AV AMP PIONEER LX71個接線位，
其實本身部AV AMP都係好久之前改左IEC座同用左鍍銀紙，
感覺本身也很良好。
不過本身的IEC座不是什麼好野，只是一般平價大陸野.....接線也是這樣。

今次我用左OYAIDE的鍍銀+銠的AC，因為AMP要解碼我想用銀會好D，而且之前用左好多鍍金，有少少感覺空間感同分析力差左。

接線方面用左德國的Mcap 99.998%純銀單支混0.1%的鈍金99.9%。

第一步我慢慢拆開部機，睇睇咩情況，不過過程好辛苦.....又要甩線....部機又重。

之後見到之前個AC位同本身的兩條接線。接線是焊死在機板上的。

我搞左好耐甩返個IEC座同接線出黎......

計一計原來接線的長度再去用返幾長的純銀線，不過我用長左，因為用越長的純銀去可以冇咁"行"同更厚聲。
焊上OYAIDE的IEC座，焊錫又是用返Mcap的鍚銀金的錫線。

小心的焊上機板上，要注意不要反相，不過我本身都反相開，為左夾返本身用緊條反相電源線，我決定照之前反相去。
要注意焊得實唔實，唔係好易出意外。

我再用1000號水磨沙紙貼在視頻晶片位和電源位的附近，不過我冇用太多會有cut頻的影響，只是小小的面積，而且係牛的附近不要貼上。

大功告成，我手腳慢搞左好耐

鐵心心

搞完一大餐，雖然好 ，不過都要 下機先。


我又係第一時間播我聽開的CD，因為小小改變自己都聽得出MA，
點知一開聲，精神令人為之一震，絕無誇張，全是事實，好聲得很，
因為人聲密度又更上一層樓，這改變我已經在BD機換了純銀線後感受到，但是現在也是叫人驚喜，
喉底聲強得很，沉實而密度高令人冇法想像是AV AMP的聲音，
不過可能你會問純銀會唔會令聲音很尖同叫，但我可答你完全沒有，反而高頻更順耳不利，可能是中低的提升影響吧。
說一下音場，它也更比之前闊，是可感覺得到音樂在包圍自己，
而低頻的沖擊力同潛低力都有明顯提升，很正的低頻感覺。

時間關係，我立即放了GI JOE的BD去試一下，因我相信本身用作解碼的AMP在這一定有其驚喜。
加上昨天試了很久的GI JOE同一段落，因此是有很好的記憶感覺在腦海中。
點知一試之下，很勁，這改變很難在換AMP所獲，
密度質感很高，聲音很突出分明但不會尖同亮，簡單說是聽多左野，
但我不知是否SUB仔定喇叭的影響，低頻很正同很強的衝擊力，估不到掃心口的感覺強了許多，
而且有低頻的跳彈感(可能是喇叭所出的低頻改變了)，
整體係提升，令投入感增加，純銀真是夠平衡吧。

但要再說一下畫面，雖然我日光日白開燈睇，不過看到影像比之前更利更立體，線條更緊，明暗位更強。
景深也好，令人物浮出來有前後的距離感，正!!!!!(這情況之前在BD機上也感受到)
我敢講現在和我之前試玩時的BDP LX91的畫面效果分別不大了。

下一部換埋SUB仔接線，睇下會唔會三級跳先。

morrise

高手ar~~
水貨都自改~~精神可嘉~
自問真係怕接線接得唔好...我怕會衰聲左~

jack331

可惜焊接果度無圖睇, 如果唔係自己都好想試下, 不過部機未過保, 唔咁攪.

minghong

點解牛的附近不要貼上沙紙??怕燒著??

fm31331

大手術!

yim

心兄好快可以榮升為 "摩王" ...

鐵心心

可惜焊接果度無圖睇, 如果唔係自己都好想試下, 不過部機未過保, 唔咁攪. ...
jack331 發表於 2010-6-23 15:42

我點渣機喎=.=.......雖然d相係落左腳架影

鐵心心

點解牛的附近不要貼上沙紙??怕燒著??
minghong 發表於 2010-6-23 15:48

怕影響牛牛運作

鐵心心

心兄好快可以榮升為 "摩王" ...
yim 發表於 2010-6-23 15:51

哇...我新手黎....奶過野你唔知ja=.=
e度大把摩機高手