以我所知

wildwolf007

其實你都知嗰邊文化係咁,
大家成年人,重分到咩野係真,咩野係假,有冇心去做,幫人,睇得出架,唔洗太上心.

目木

how come好似季經, 幾個月就有人搞事! 好得閒?

lemonstar

唔鍾意又睇
睇左又唔抵得
唔抵得又繼續睇
繼續睇又繼續鬧

ai~~~

只要有'人'既存在就會有人性既險惡

fuman0123

總知.....人在做，天在看
我地知既........支持呀

阿定

首先多謝幾位師兄比d Link 我，睇完後，我唔想講太多無謂野，不過希望提一提大家，每個網站都有不同文化，Post76的文化就係Post76的文化，其它人來76跟番規矩就可以，外地的文化，我地亦無需動氣，部份亞洲人喜歡食狗肉，係亞洲人的事，人地喜歡食狗肉時，取笑歐洲人唔識食亦不見得有咩問題，當然，吹到去九唔搭八的家人，細路，就係果個人的個人素質有問題，呢個係另一個層次的討論，總之我相信小瑟開站的目的，就係大家開開心心有個"家"吹下水，吹下AV經，男人經，年齡層以1976年前後出世為主，小瑟都唔想大家為呢d小事勞氣而唔開心，Post76係一個私人論壇，就正如入屋要跟屋主規矩一樣，屋主唔比人食煙，你係要同屋主講香港有食煙的自由，誰是誰非已經不需多講，而係自己屋內，討論隔離屋人的習慣，當然無問題，不過人地咁做，自己亦無需跟著做，係自己地方講人地壞話，同八婆雜誌效果一樣，有佢講無你講，亦正正係咩人睇咩雜誌的典範，絕大部份香港人都係咁的，無需動氣！

xxxxERICxxxx

首先多謝幾位師兄比d Link 我，睇完後，我唔想講太多無謂野，不過希望提一提大家，每個網站都有不同文化，P ...
阿定 發表於 2010-6-24 09:05

    好有道理。

小瑟

好多謝 ANTHONY為小瑟講左小小不為人知既事, 點講好呢.....................

其實我真係好想好想好想好想可以每日開工, 就係係76睇 POST, 處理版務, 同大家分享我接觸到既影音野, 相機野, 生活野, 寫多D REPORT同大家分享下我玩緊既野既個人感受, 不過............依家POST76既所謂收入...........哈哈...跟本連 SUPPORT一半既開支都唔夠,  由其人流開始多左, SERVER同頻寬既要求不斷咁上升, 以往可以平平地都可以攪得掂既情況已經節然不同, 雖然, 錢, 係比多左, 但我亦都得到一D唔係有錢就可以買到既野, 76成個管理組既團結, 另我非常自豪, 版友們對小瑟既尊重, 見到一眾新手老手可以因為有左76呢個地方而買到自己想要既野, 比人毒到食樹皮仲笑口噬噬既呢份""男人最痛的喜悅"". 講真, 我真係覺得好值得, 好滿足.

所以出面既人講咩, 其實我都唔太CARE, 不過當然有時都會唔小心睇到而有一點覺得不值, 不過唔知點解, 我真係唔會擺上心, 始終, 我地成班人都有個好清晰既目標, 我地知道自己企係咩位, 應該做D咩, 點解要做依家做緊既野, 人家唔知覺得我地好似扮哂野, 博呢樣博果樣唔緊要, 事關""曹操都有知心友, 關公都有對頭人""好多時我都係問心無愧就算. 我亦都知道, 對76有感情, 對76了解既朋友們, 佢地會知道76每做一件事都有原因既.

錢方面, 老實講, 開支既野我地努力咁做緊, 希望可以做到收支平衡, 不過我係絕對唔會收大家一分一毫會費既, 因為我開網都係希望大家開開心心, 有需要吹雞問野時有人回覆幫拖, 係生命上, 多左一班唔話得既老友記, 傾下計, 睇下野, 我地又唔係 PROVIDE咩產品比大家, 又唔係賣緊咩 SERVICE比各位, 所謂無功不受祿, 如果真係每月收大家錢, 我過唔到自己果關, 亦都冇咁既需要呢, 係度真係要多謝一下幫手吹雞既兄弟先!!

講開會費, 我又想講返小小歷史比大家知, 其實76係 2002年已經成立, 去到 2004年-2006年左右, 76曾經出現過一過差不過摺埋既時期, 好彩, 當時有為數差唔多20人既老臣子們(名字我一陣再開), 願意每3個月就為76籌募網站經費, 等76可以捱過左呢個黑暗期, 係度, 小瑟想再借一次機會, 多謝當年咁多位幫手既老臣們.

最後, 我只係要求大家一件事....就係 [以禮待人，互相尊重]

daken

網上世界 千奇百怪
一笑

raymond430

上76不足二年,自問唔係d咩影音高手,對76亦無咩貢獻(祗係係度吸收緊影音知識);不過真係睇到小瑟兄,wil wil兄等版主,還有好多科林版主,非職業特工嘅付出與熱誠.....當初誤打誤撞黎咗呢度曾經講過呢度嘅討論氣氛係係其他forum搵唔到嘅.到依家都係呢句.

sunnyt

謝谢小瑟及各義工版主!!