末世凶煞 (無內容) 報告由魚腮人提供 (J J 報告於第四頁)

AW2

平裝版平50蚊呀!! 我就入左平裝版.

laiho

琴晚睇咗~一般啦都唔係咁差.....
都唔係fing得好勁啫~:lol
不過拍攝手法真係好迫真
音效都唔錯的

lkljason

旺角價分別都係179同129

sutter

今日係hmv運吉時睇左陣，都唔係ｆｉｎｇ得好勁，接受到
都幾緊張，會入返隻睇下

老五

睇完，覺得好好睇，雖然好多時畫面會左搖右擺，但我覺得好有投入感，好真實，好緊張，好後悔上0既時候，因聽左好多人劣評，所以冇去戲院睇，呢套如果BD有中文字幕就買硬。

[ 本帖最後由 老五 於 2008-5-21 00:08 編輯 ]

lkljason

小含結局
.
.
.
.
.

岩岩睇完，原來咁搖法我都頂得順播！點解咁講？因為呢套戲未睇前好多朋友已經講你最好食定暈浪丸至好睇呀！心諗........唔係咁誇呀嘛！:lol :lol :lol

其實成套戲都幾緊張，唔係一般怪獸襲地球既片，套戲想表達以第一身渣住部手提機黎拍攝當然遇襲既情況，真實感做得好到肉，成套戲無配樂，但d sound effects令到你十分投入，好似同佢地一齊去緊佬咁樣，不過好多野套戲其實都無乜交代到，例如果隻怪獸究竟係乜黎架？點解d傷口會留血不止呀通通都無再講到，但呢套戲我諗除左想比d觀眾自己發揮o下d想像力之外，亦都想比d觀眾末世feel既真實感，套戲比我預期中好睇，結局.........................................................都幾sad o下啊！仲諗住會走得甩添


而dvd既收錄有另外兩個結局，但基本上都無乜分別，只係最後餅錄影帶無cover到既片段，片段係講怪獸未襲擊呢個城市前，講男女主角係遊樂場拍攝緊玩時o係唔同地方講既野，而d對白都係差唔多，都係諷刺返你好好記住呢日呀咁樣就完場勒！


題外話：女主角我覺得幾靚，其餘d角色都OK型仔靚女架！加上都算睇到隻怪物既真身~~~頂得住左搖右擺鏡頭既我OK收貨啦！Smilies018 Smilies018 Smilies018

[ 本帖最後由 lkljason 於 2008-5-28 00:00 編輯 ]

大佬John

我想睇有災難感. . 對上一次係War of the worlds

lkljason

原帖由 大佬John 於 2008-5-28 01:08 發表
我想睇有災難感. . 對上一次係War of the worlds

呢套災難感我覺得比強戰世界強好多啊！:o :o :o

LAWSON

唔知點解,我覺得好似韓流怪嚇.

其實要拎住部大cam扮dv都咪話唔辛苦;P (我估冇理由真係用dv拍掛,d夜景肯定花到死),d演員又要演得真. d特技又整得幾大規模,到到都由好變到爛熔熔,都唔係小野.試想如果因為要玩手搖dv feel而令到觀眾否定哂所有努力,個風險其實都幾大下.我覺得應該比返d同情分.

p.s.除左睇得辛苦外,本身我果套片唔知係唔係data唔完整,好多時都停左冇聲冇畫,辛苦情度都幾利害,好彩套片得果80分鐘到,唔係一定停左佢唔睇.

[ 本帖最後由 LAWSON 於 2008-5-28 09:39 編輯 ]

lkljason

乜套片有咁長既咩？