投射VS電視 (睇錯尺寸...)

leung1522

7尺多d既投射距離, 究竟玩LCD投射可以射70吋好, 定50寸電視好呢?

尋晚度過70吋16:9幕的闊度, 70吋投射又好似大左D, 但買投射同買50寸電視又差唔多....唉.....好難諗......


更新:

尋晚(14/6)心血來潮, 再度一度, 原來我屋企wall to wall係9呎4寸, 而wall to tv 係9呎, 咁樣玩投射, 係咪好好多? 我已經開始游說我老細, 但仍未批....

Raphael

7尺多d既投射距離, 究竟玩LCD投射可以射70吋好, 定50寸電視好呢?

尋晚度過70吋16:9幕的闊度, 70吋投射又好 ...
leung1522 發表於 2010-6-14 12:35

睇你點用

睇電視節目 / 電影 / 打機, 邊樣多? 比例如何?
如果 電影 > 電視節目 + 打機, 就可考慮投影~

日間 / 夜間用既多?
日間多的話, 電視會好啲~ 夜間用多的話就無乜所謂~

屋企人多或少?
人多的話, 電視好啲~ 人少的話就無乜所謂~

7 呎距離睇 50 吋, 如果覺得只係啱啱好夠大 (例如打 rpg, 啱啱睇得清楚啲字), 就要買大少少電視, 或者索性玩投影~

七彩小生

50寸電視好.因滿足哂你所有情況, 使用率高, 日日用!

leung1522

睇你點用

睇電視節目 / 電影 / 打機, 邊樣多? 比例如何?
如果 電影 > 電視節目 + 打機, 就可考慮投影~

...
Raphael 發表於 2010-6-14 12:44

謝謝你的分析!

其實我本身有部32"電視, 所以若果裝投射, 會絕大部分時間用來睇戲, 睇電視就用返部電視。

屋企都係得我同我老細, 所以若果用投射, 教下佢應該都識既~~

其實真係個價太接近, 而投射又有電影感, 只係7呎既距離又係咪太近, 真係越諗越多問題....

chhanthony

謝謝你的分析!

其實我本身有部32"電視, 所以若果裝投射, 會絕大部分時間用來睇戲, 睇電視就用返部電視。 ...
leung1522 發表於 2010-6-14 12:58

以leung1522兄嘅case 我會揀投影機
講電影感, 始絡投影機會較好
不過睇投影, 要計埋燈胆個成本, 而電視就唔駛
你預一個胆睇到兩千個鐘, 每個胆大約兩千零至三千蚊到

RAMBO2007

50寸電視好似会方便ｄ、投射好似比較麻煩

七彩小生

將部32"電視放入房, 買部50"新野.

andycola

7尺多d既投射距離, 究竟玩LCD投射可以射70吋好, 定50寸電視好呢? I prefer 投射
尋晚度過70吋16:9幕的闊度, 70吋投射又好似大左D, 但買投射同買50寸電視又差唔多....唉.....好難諗........ I am also using LCD projector 7尺投70吋.. It will be a little bit big for watching 電視節目 or 打機, but if you use for watching 電影, projector la...   

raymond430

七呎距離,50"tv實際d,有大d地方先諗投影啦,無謂攪到唔上唔落.

skenstudio

投射...仲要諗埋接駁問題