《歲月神偷》Echoes of the Rainbow (附港版禮品裝BLU-RAY實物圖)

Tomotoshi

昨天在旺角歪西, 普通版只是約*(.
kymak 發表於 2010-6-6 07:32 PM

DVD價???

kymak

DVD價???
Tomotoshi 發表於 2010-6-6 19:35

    YES!

劉一舟

今早同屋企人睇晒，套片會較合適我地呢啲六十年代或之前的觀眾欣賞，我阿媽睇到眼濕濕，尤其醫院姑娘服務要收錢嗰段，而家後生仔女可能唔知，嗰時未有老廉時，真係有咁嘅情形出現，老人家身同感受；我冇喺戲院睇唯一原因係有君如喺度，但佢今次喺套片度收歛咗好多，喺套片嘅表現不亞於影帝任達華，我都和好多ching一樣，喺醫院君如摸華哥隻手嗰段真係好touching；訪問有講影片故事槪念來自導演羅啟銳童年，其實故事本身想表達之精神並不是單單集體回憶咁簡單，諗深一層其實導演係想以影片來抒發他對舊年代和現今年代對生命的評價；講真，呢種題材好難得到所有觀眾的共鳴和投資者的興趣，就算當年爾冬陞的《新不了情》開拍嗰時都遇上各種問題，姑勿論係喺柏林影展攞獎廻響又好，政府電影基金帶動票房都好，其實電影投資本身就係一場商業賭搏，雖然高風險但仍有一班 "賭徒" 常駐足向前，羅啟銳和張婉婷兩位學院派導演就係其中表表者，兩人雖產量不多，但對影片的執著和熱誠，是好多電影導演所沒有的，曾經有個資深導演同我講笑提過，做得導演得兩種人，一係屋企大把錢，一係就是對電影痴迷，兩者皆是的亦不常有。

美亞版畫質尚算過得去，音效就算有DTS-HD MA和True-HD等選擇都起唔到大作用，我反而有興趣想睇柏林影展嗰個版本，因為比影碟版多咗三分鐘。

勇者仁傑

25GB or 50GB?

r32

介指嗰幕我無感動咁多........最衰係自己入場之前, 已經睇咗報紙嘅訪問........餓兩位導演作品太耐, 點忍得住唔睇內文?

law1987

25GB or 50GB?
勇者仁傑 發表於 2010-6-7 01:54 AM

50G disc

34.7G file

gohsan

隻碟搵人幫我買左未拎, 但入戲院睇, 係我近年流最多眼淚o既電影.......推介......尤其老餅, 哈哈

lyfedpmp

(含劇情, 未睇既師兄請 skip)

買咗水晶版: $165, 收錢時, 老板娘話要收 $314, 我當堂打個突, 問乜係咁計架? 佢話 $149(碟價) + $165 (水晶價) = $314, 好彩隔離老細(應該係佢老公) 即刻話應該係 $165, 呢次老板娘就問乜係咁計架? 老細就潤佢一句, "個個都知係係咁計, 淨係得你唔知!" 跟住兩人打情罵悄 d 野就唔寫嘞! 不過以後係度俾錢要小心 d, 以免烏龍事件再次發生!

唔知係咪我年紀大, 所以都覺得幾好睇, 仲可以睇番以前學校 d 境, 真係好懷念!
個幕吳君如係醫院摸華哥隻手嗰段, 連我老細都話, "嘩, 好感人喎!", 不過佢講完就冇事, 而我就.....

另一幕就係佢地開枱食飯個幕, 見有個細路仔問都冇問就走埋去任達華張枱度自己夾餸食, 華哥大家都好似理所當然咁視若無睹, 個場戲真係睇得好 warm, 有會心微笑既感覺!


其實劇情有 d 老套, 但係睇完又真係記番起幾多以前既野! 我老細細我兩三年, 都唔係細, 照計都會有d 回憶啩, 點知佢睇完就問我幾時放出去.....

劉一舟

介指嗰幕我無感動咁多........最衰係自己入場之前, 已經睇咗報紙嘅訪問........餓兩位導演作品太耐, 點忍得住唔睇內文?
r32 發表於 2010-6-7 07:53

我都有聽羅導演喺電台講佢親哥哥過世點滴，而家電影版出嚟都冇佢講得咁慘，羅氏兩公婆好nice，當年我們有幸同佢地喺試片室睇《八兩金》 毛片，看完後佢地好親切咁問我地對套片有乜感覺同埋有乜意見，我地當然老實不客氣咁大抒己見啦，點知隔咗一排佢地又搵番我地再睇試片，發現某些場口真係同我地俾嘅意見一樣，心諗能聽意見而且係我地啲small potatoes的意見嘅導演有幾人？
《歲月神偷》算係近年睇咁多套港產片中有誠意嘅其中一齣，喺我心目中港產片無動作純文藝劇情而票房又收嘅 (即係叫好叫座)，好似得三齣：《秋天的童話》《新不了情》同埋呢齣，咁橋《秋天的童話》也是羅氏伉儷作品！！！

herox

咁多位ching, 想請問水晶版係唔係無啦?? 因今天想出去買隻look look.
Thanks.