今日撞左車.....

Raphael

就算小巴入線早過佢, 佢在前, 小巴在後, 小巴依然有責任
小巴司機見前面有人入線都仲唔收油, 已經有問題
佢可能明知自己唔啱, 諗住報警或賠錢都係佢唔著數, 於是搏一搏試吓兇返玩偶兄轉頭 ........ 就算搏唔到, 頂多同現況一樣, 無蝕底~ 點知真係兇得到.....
呢亭人渣, 小弟以前都遇過~

(以下半講笑半正經性質, 玩偶兄唔好介意)
如果當時玩偶兄拎個電話出嚟, 向對方講 : "請你等一等, 我打個電話問問我律師先~"
話唔定對方會縮沙.......
如果玩偶兄堅持搵出誰是誰非的話, 可能對方反而賠錢俾玩偶兄都唔奇

kennethtcp

就算小巴入線早過佢, 佢在前, 小巴在後, 小巴依然有責任
小巴司機見前面有人入線都仲唔收油, 已經有問題 ...
Raphael 發表於 2010-5-25 09:56

多數咁既情況都係會話未入哂線個有問題, 因為邊個出先真係雞同鴨講, 死無對証, 但一撞完, 車停哂, 見到前面車未入哂線, 後面車入哂, 就會覺得係前面車未係安全情況下切線, 而後面就收掣不及... 因為 cut 線者有責任係安全情況下 cut 線, 要預計後車係正常情況下唔會發生意外(後車超速就另一回事), 而撞完一刻只可以睇到後車已經完成轉線, 前車未...
當然我呢個係假設, 事實係點只有樓主知...

Raphael

多數咁既情況都係會話未入哂線個有問題, 因為邊個出先真係雞同鴨講, 死無對証, 但一撞完, 車停哂, 見到前 ...
kennethtcp 發表於 2010-5-25 10:06

玩偶兄佢架車係去到差唔多打直晒先至同對方相撞; 呢種情況之下, 對方就算早過玩偶兄開始入線, 但玩偶兄入線程度比對方大, 拗起上嚟, 會否依然係玩偶兄著數啲??

大玩偶

當時架車仲有一位我朋友係到...
佢都楂左好多年車...以前係 WAN仔司機 !
佢就話我....雖然打左燈...
但抽左少少頭...又停左係到....
停一停又俾油去....
可能就係小巴司機見你一停....佢就去馬 !
咁就撞左...

七彩小生

大玩偶 , 我覺得你既然比得$ , 即是覺得自己亦有唔對的地方, 並唔係因比人兇, $1500 在交通意外來說, 是非常非常小的,  好抵架啦. 如果你自己明知有唔對的地方, 反而去兇番人的話, 咁你同佢或流泯, 又有什麼分別呢? forget it.

pepsiman

呢個案件當中,邊個啱邊個唔啱都唔緊要,最緊要人無事,
不過玩偶兄你呢個駕駛態度就真係有o的唔正確,
既然你話打右燈準備轉右線時已經見後車正駛入右線,
o係咁o既情況底下你選擇加油轉線即係有明知有危險仍然加速,
淨係呢一句就已經被法官判你有罪,(當然係唔係咁樣畀口供又另一會事)
我唔係話個小巴司機無錯,不過小心駛得萬年船,新牌仔都係小心駕駛好o的.
我第一架車除咗車頂未被我撞過之外,全車無一處未整過,
而且連人我都試過撞低,不過依家已經學成龍話齋,
"駛出真功夫,方為大師傅".......

大玩偶

兇就無兇既....因為只係小事....
個小巴司機態度都OK !
只係問我想私下解決定報警....
未行過去前...我朋友就話係我唔岩...
睇下人地想賠幾多啦....
於是我朋友就同小巴司機傾.... !
最後俾 $1500 解決件事....
錢事少....

宜家搞到我唔敢再楂車.....
其實由於新牌既我....對於轉線真係生疏....
經常去D 唔去D .....

wangtalltall

我而家渣車都同百事佬的心態一樣啦... 小心安全為上
"保持兩秒/兩車的行車距離" ...   所以成日比人cut 線...
自己要cut線, 都睇清睇楚先郁...  

朗

交通意外，保險公司通常有本叫做"fault chart"嘅書，定下原則判斷誰對誰錯同埋百分比。依師兄嘅描述，就算小巴佬手快，已經100%入左右線，佢車頭撞你車側邊，都係25%/75%佢錯多啲，就算計到盡都係50%/50%啫!

可以參考呢間香港人係多倫多開嘅保險顧問提供嘅圖解，注意加拿大係美式右上左落嘅:

http://www.cis-insurance.com/faultChart1.html

咁啦，經一事長一智，路上乜人都有嘅! 師兄無須介懷，平常心，日後更小心揸車，吸取經驗就得嫁嘞!

大玩偶

呢個案件當中,邊個啱邊個唔啱都唔緊要,最緊要人無事,
不過玩偶兄你呢個駕駛態度就真係有o的唔正確,
既然你 ...
pepsiman 發表於 2010-5-25 10:23

    當時因為紅燈中....
我同架小巴都停左車先.....而我見右線空左位...
先會想行右線 !  因左線係可以 直去&左轉   ，而右線就只可以直去 !
2 條線都岩我 ! 所以我見無車就抽頭右出 !
但事發果陣我望右鏡 ! 的確係見小巴都想郁 ! 有少少抽頭出 !
但大家都車速唔過 15km ... 由停車到俾油....
本身架小巴係停係我身後...車距已經近....
而我所謂撞....  只係我右邊後車身....個輪胎邊擦過佢車頭 !
但就out 左佢個 " bom 巴"出黎.... !