本帖最後由 Sifopean 於 2010-7-28 11:35 編輯
新手報到,多多指教!!
期實我已經做o左訪客好耐la.......
因為多數o係番公上網多.
但最近睇完個家訪活動終於忍無可忍啦
我決定由今日起要成為大家既一份子!!!!
短期目標當然係盡快達到【76 影音家訪世界】既requirement la !!!
雖然過去中毒中得好深(本來只係想完下多年來係房玩音響既夢想,買套裝5.1 ga ja )
但真係多謝各位師兄過去一直以來既努力同分享,(特別係最近oppo bdp-83 既專業報告 )以後請繼續多多指教!!!
TV: Panasonic TH-P50S10H
BDP: PS3 Slim
DVD: Toshiba HDDVD EP-30 (現已團購upgrade左做oppo83 ,多謝大王,辛苦哂!)
Amp: Onkyo SR-507-->已Upgrade to 876 (遲d一次過post新相)
Sub: Mission Ms-8
FS: Mission MV-4
CS: Mission MV-C
SS: Mission MV-ds
小弟係post相白痴......有機會後補!!!
我番黎la,miss you guys so much!!!
事不宜遲,去馬!!
先介紹小弟間房,由於係舊樓,所以無窗檯.
先介紹小弟間房,由於係舊樓,所以無窗檯
本來右邊書檯既位置係俾我兩個家姐用既,但佢地結婚後已經極少番黎,我就順理成章用來建設我既私人影院la~~
小弟啱啱畢業,所以budget有限,加上影音初哥,用既都係讀書時儲落既錢
我買之前已經做足功課ga la.....但係都驚俾人揾笨,唔想第一以買機就有不快既經歷.....
所以去年Xmas最後去咗「兇宅」同「終完」度買,入場費:plasma:$14000;av system~$12000
最後砌佐呢檯野:
正面圖
小弟既皇帝位
平時就係咁睇戲ga la
跟住講下間房既缺點:
1.中間既玻璃牆,大大影響d聲,sub仔太勁時玻璃牆會震到有聲.....
2.因為兩邊要放櫃放檯,12尺闊既空間只能用一半,前中置,sub仔放得太近la....
3.始終自己房,唔想太大工程,所以走明線,但經小弟一番工夫下,見到既得番呢part:
題外話:我張書檯上面既小垃圾筒有:
小弟有儲開飛尾ga,唔知大家有無呢??
4.Surround被迫放得太高,而且有燈曹,衣櫃攔住,做唔到tilt down效果
同埋Surround係被迫放得俾皇帝位前.....
5.可能有人覺得間房多窗好靚,而且外面有公園有學校景
但係......全部都係西斜既..... 要極小心保養器材,同埋以入門級既S10黎講會加重反光程度.
以下係一些近照:
書檯下既係我以前用既大牛龜,都係toshiba.
Toshiba HDDVD EP-30 - 用$800黎減慢PS3既消秏,我睇DVD都係用佢.雖然是近3-5年前產物,但畫質銳利,upscale 24p效果理想
bitstream dts,ddex 都幾好~~
係「桔芝倒」買既架連朩板<$!)),啱啱仲有幾吋位俾部507散熱
用舊notebook電池放o係中置下面,做個tilt up既效果.
PS3 o個邊可以拉出黎,就算手掣無電,條線都仲夠長俾我坐o係床尾玩.
cheap cheap 拖板.
我計少佐plasma個stand既厚度 ,所以個中置放唔到上黎......
個stand未灌沙ga......遲d先攪
到參觀小弟既收藏啦.
好處係家姐番黎只會見到呢d DVD,借佐都唔會心痛 ,起馬暫時無失過手~~
真正既寶藏o係後面塊「黑色野」度
好野梗係收收埋埋ga la
部份我由細睇到大既演員:
我新年有幾日唔係屋企訓,唔記得收好隻2012既BD,我姐夫就借佐啦......
佢成日借我既野都會「唔記得」還ga..... 都唔知到2012年我可以攞番隻碟未...... .......
整住咁多先,聽朝要睇NBA ma~~~
下集預告:究竟一間反光反到爆既房仔,入門plasma,mission speakers,我會點用呢?
早抖啦各位大大~~ |
[複製鏈接]
發表於 2010-5-22 00:24
