不幸中之大幸....廣州行

josephm

一時忘記按實背囊行街.....結果比人偷o野.  

我一發覺有人撞到自己, 已見到o個小偷o係身邊行過, 佢行前幾步再望返轉頭, 好似向我示威o甘, 我同o佢重有eye-contact, 一睇o個袋見拉鍊打開o左約5寸, 心知不妙.......好彩只偷o左散銀包, 部dc仔重係到, 銀包分開放跟身, 所以安全冇事.  之後附近商鋪職員同我講o係班新疆仔偷的.  我見o個賊約5尺10高, 個樣成個鬼仔o甘, 最奇係佢隻手抱住隻灰色鴿子!  不過就算當場斷正, 亦真係唔感同佢嘈, 錢財身外物, 怕班賊狼起上o黎出刀就PK啦.

各位c-hing返大陸, 真係要打醒精神, 分分鐘保持警覺, 一個不留神, 就慘慘慘.....

ricoy288

佢地通常都係一班人, 所以同佢嘈, 冇著數. 唔知會發生嘜事.

都係自己小心D啦.

movietoy.maniac

大陸扒手多過乜...廣州深圳處處有
無必就唔好同佢地正面交鋒...瓷器撞缸瓦,一定我地蝕底
好彩係散銀包仔咋....下次小心d喇

wildwolf007

千萬唔好同佢地嘈呀,大陸仔好鍾意出刀仔架.

大玩偶

唉.....
真係.....呢種風氣....
自己都算係中國人..... 睇見都覺得......
大陸D 人..... 有錢果D...聲大大.... 俾一千幾百....當正自己大爺咁....
媽前媽後....有陣時睇到都心酸....d 大陸暴發戶對d 骨妹... 侍應....真係狗都不如...半點基本做人尊嚴都唔俾人..... !

窮果d.... 又搶小朋友...斬手斬腳拎去賣......又偷錢打劫.... !

老實講....我經常中港2邊走....亦識好多朋友同事長註大陸做野....
一般唔會一個人係條街行10分鐘 !  太危險 !
連當地人自己都怕 !!  同埋聽講D 小偷一眼就分得出你係香港人 !
直情當你水魚咁禁 !

josephm

平時都好少返大陸，就係驚治安差，今次一去終於中招，衰唔夠警覺。

cthong

如果唔係去辨工的話真係少上大陸為妙

jt24

我都好怕返大陸，除非公司一定要我上去啦！但公司有車喺火車站接送，都冇咁驚！玩就真係唔會上去囉！

josephm

擋買個教訓。其實由羅湖一路坐火車同地鐵到廣州目的地都覺得ok，不過一上地面行5-10分鐘路程就出事。下次非必要都唔親身上去買嘢，網上購物安全d。去過國內其他地方（北京、上海等）治安都冇咁差，係琛圳廣州真係感覺差好多...

KING

所以我從來都唔會番大陸買音響既野,但76呢到仲有好多師兄上去入貨個喎!