有冇漫畫迷呀 ?

ccting2009

有冇c兄有追緊嘅漫畫 ? 大家分享吓, 自己一路追開都係日本漫畫 -

爆漫 – 好睇 ! 又係Death Notes黃金組合再下一城, 不過本書非常多字, 睇一期好似一本短篇小說咁….

烙印戰士 Berserk – 勁好睇 ! 但劇情進展開始好慢…..唔好爛尾呀…..

鋼之鍊金術師 – 開頭十期係好好睇, 但之後自己劇情好似失去重心, 好似開始愈玩愈大咁…個人覺得由統領係人造人開始就變咗….不過都會支持, 始終”等價交換” 啊…

全職獵人 Hunter x Hunter – 好睇, 不過成日停又太慢, 真係咩熱情都無哂….

暗黑之破壞神 Bastard !! – 由剛出黎做野睇到而家, 超過 10 幾年, 但近幾年真係不論故事同畫功質數都每況愈下…都唔知做咩可以跳咗成段故事唔畫, 又超級脫期, 真係唔知做咩事….

蒼天之拳 – 北斗之拳 fans 應該鍾意, 而且可以保持水準, 不過千萬唔好拖太長…

天上天下 – 格鬥漫畫, 可有可無, 已經停咗唔睇…..

Angle Heart – 開頭接 City Hunter 故仔都ok, 不過太長太悶啦, 已經停咗唔睇….

里奧

暗黑之破壞神 Bastard , 加爾巴 , 烙印戰士  ... 由剛出來做野睇到而家 , 越出越慢 ,,,, 唔知以為佢地出緊年刊 . 特別係 "加爾巴" 曾幾何時以為作者病死左 , 因為長時間唔出連載 .Bastard D畫功好正 , 頭 14期都好正常 , 後面打天使簡直亂到九彩 , 打四天使之一可打足幾年(我地既時間) . 有D舊角式因為作者既新畫功 , 畫到差D認不出 . 希望佢可以完美結局左就算 , 個故仔玩到咁大 . 殺戮都市係近幾年睇開 , 不過又係近排故事失控 , 作者唔知佢點收科 .

ccting2009

回復 2# 里奧
吓 !? 強殖裝甲加爾巴 ? 唔係完咗架咩 ? 我中學時期開始連載同睇架喎...後來因為畫功變差同玩到鬼咁大, 所以停咗...仲打緊獸化兵

rikudoll

家中只有整套舊版叮噹(單行1-44 , 長編 1-15) ,
龍珠及男兒當入樽各半套 , 臘筆小新 1 - 3x ....
不過儀人都死埋 ... 無得再追

CrazyBull

我都有追"天上天下"，不過睇完永遠都係一頭霧水
另外，都有追"內衣教父"，追左咁多年，現在差不多大結局lu...
"犬夜叉"就剛剛追晒，現在開始睇桂正和既新作，但個名吾記得左

wildwolf007

加爾巴作者高屋先生佢係業餘畫漫畫,正職好似係牙醫.佢重出已經好有心架啦.

Bastard作者萩原一至佢畫到1x期時因為腰痛所以攪到停左一排,佢停刊前嗰期最頂癮,
我諗係第一個只用文字表達漫畫0既漫畫家.
其實佢後期都已經係好似香港漫畫咁玩集體創作,唔明點解重係咁慢.

獵人,鋼鍊已經放棄.....

天上天下中期幾好睇,特別係文七叔原來係最好打嗰個.

烙印.....睇佢都係爛尾收場,格斯打隻小頭目都咁辛苦,點打大佬.

wangtalltall

我有追緊只得one piece 同狐忍 ... 但佢地都拖左好耐... 開始失去興趣...
不過one piece都重好攪笑...
以前都有睇hunter x hunter嫁, 但佢畫得越黎越差, 故事又唔知想點., 真係買到火都黎.

另外有收藏的包括入樽, 單車小霸王, 消防員的故事, 舞吧!昴, 足球風雲.
其中最鍾意當然係入樽, 讀書時期冇錢買, 出黎做嘢一次過買返晒...
而唔知點解慢慢咁越黎越多車田正人的作品

其實都好想儲返one piece同狐忍, 但都係等佢出完先再諗... haha

wildwolf007

其實好想睇返,士郎正宗,大友克洋,板橋秀豐,呢d大師級作品.
不過呢幾個人都已經唔知做緊咩.....

aidan

回復 6# wildwolf007

"加爾巴"作者高屋先生正職唔係牙醫.係有名的室內設計師.
我到現在都有追!!!

wildwolf007

回復  wildwolf007

"加爾巴"作者高屋先生正職唔係牙醫.係有名的室內設計師.
我到現在都有追!!! ...
aidan 發表於 2010-5-13 15:54

室內設計師咩?年代久遠.....我諗我記錯左
我都重有睇,高屋老師係唔係唔記得自己有寫加爾巴II係第一期已經比晶做瓜左,點解會無啦啦變左女人走番出呢,(OVA版??)
希望我有生之年可以睇到個ending....