考車牌問題

ezam

駕x學院好,定搵師父好呢

lkljason

我兩樣都學過，我個人就覺得私人師傅會有d保證 (如有熟人學過介紹，不過呢d野都係人夾人) ，而駕駛學院我學果時都成拾幾年前，我諗同而家都有好大分別，不能作準！

如果純以價錢黎計，私人師傅應該點都平d既

jackiewong518

好睇個人資質....想多0的路面經驗就搵師傅

Westdoor

我可駕駛十三類車種,全部一次過PASS,除電單車外要參加駕院強制課程外,所有車種都係跟街外師父學嘅!如再問我駕駛學院好定師父好?我會答............................因人而異

lskthomas

我跟緊駕x學院。

上個月考完, 肥咗路試, 下個月補考, 要比多$3.5k, total要成14k, 貴到xx!!

小弟覺得駕x學院貴過出便師父好多, 但拍位條路係易少少因為成日都可以練, 但係考完出黎, 由於路面經驗比跟師父少, 技術會比跟師父差 (我覺得)。

如果我下個月合格埋路試, 都會跟師父操補下鐘先敢楂車。

如果只係想要個牌又負擔到, 駕x學院啦; 如果唔係, 就跟師父啦。

wangtalltall

我都覺得跟師父好... 跟師父比較多變化...  (因為我係跟師父1 take攪掂 )

係駕照學院一來貴, 二來又少路面經驗, 亦覺得入面的師父好似打工仔咁, 少做少錯, 唔變就唔會錯...
所以每次都行相同的路, 泊相同的車位...

雖然學車掛住個P牌係要行指定路線, 但記得想當年跟個師父學車, 到最後幾堂, 佢竟然夠胆死拎走個P牌, 然後叫我渣車四圍去, 我又唔識死咁照去...
當然好彩最後都冇事發生啦 !!

tontontony

我學貨van / 中型 及 大巴都係跟師傅學~ 都係一次 pass~
我都有同朋友傾過~~
覺得跟師傅好~~
好處
1: 每次都係同一個師傅，唔會每個師傅教法唔同令我地學生混亂。(以前xx學院係會轉師傅)
2: 每次都係同一架車~~每架車個迫力 / 極力子(棍波)都會有出入，學梗已然要慢慢習慣~仲要次次都唔同~~好辛苦姐~
3: 考牌時用返同一部車~自己揸開唔怕架車有大改變。(迫力 / 極力子)
4: 價錢平~
壞處
1: d師傅間中見到面會吹水~你就坐嚮車上面等~但計梗你錢

以上只係個人觀點~如有錯請代改正~~

ezam

睇黎都係跟師父口碑較好,謝過各位師兄

ricoy288

好似大部份師兄都係搵出面師父喎.

其實我都係.

pam_jack

我都建議選私人師傅...始終路面經驗會多過駕駛學院 d...