腦搖痴馬力，戇狗是其心

劉一舟 · 發表於 2007-5-18 14:11

真係冷血，民建聯主席馬力之前公開講六四事件引發軒然大波，中央個個封咀，更使得整個民建聯腹背受敵，喺呢段咁敏感的日子，中央送熊貓又攪大型晚會，都係為咗在香港建造和諧社會，少啲怨氣同埋對祖國多一份愛國之心，所以近年呢個傷口都冇乜人敢再郁佢，點知馬力條契弟突然間上咗腦，拿起啲鹽再向傷口灑落去，即時令港人淡忘但銘記在心的傷口再次被挑起，個個磨拳擦掌，勢要將馬力拉下馬為止才心息；十八年前的六四事件，是鐵一般的事實，咁多年嚟相信仍在港人心中像睡火山一樣埋藏著，不發猶可，一發就不可收拾，馬力這番言論，傷盡每個曾為此事件流過淚的人之心，其說話同日本左派人士歪說沒有南京大屠殺有可分別？古語有云「路遙知馬力，日久見人心」，我就話「上腦叫馬力，蒙敝是其心」！！！:@ :@ :@ :@ :@ :@ :@ :@ :@ :@ :@ :@ :@ :@

[ 本帖最後由劉一舟於 2007-5-18 14:32 編輯 ]

lkljason · 發表於 2007-5-18 14:18

又想講野討好中央，但又唔經個大腦講野，抵忍死;P

劉一舟 · 發表於 2007-5-18 14:30

原帖由 lkljason 於 2007-5-18 14:18 發表
又想講野討好中央，但又唔經個大腦講野，抵忍死;P

呢啲唔經大腦的阿謏奉承說話點可能討好中央吖，自江澤民時代，中央已想淡化六四事件，有關人士唔係投閒置散就陸續歸西，到了現在的胡溫世紀，除咗溫總當年曾跟隨趙紫陽探訪絕食學生外，其他都好低調；馬力嘅言論有違中央對事件低調的處理，亦令中央和民建聯好尷尬，所以而家佢被人收埋咗唔俾佢再出嚟亂咁吠，我懷疑條友仔唔知係咪舊病復發short Q咗，如果唔係有用腦諗嘢嘅親中人士都唔會咁講嘅喇，仲喺度死撐唔道歉！！！:L