【請教】5.1.2 Dolby Atmos 天空喇叭選擇 + 秦朝喇叭搭配建議

MDLP

講明先，以上同以下所有推介，我從來都未聽過、未見過實物，所以唔知道真正實際表現。

不過，如果畀著我，我就會揀一個比較保守、簡潔嘅方案。

下面五隻同天花四隻，我都會揀呢款 JBL XD6，全部掛牆，當大型衛星喇叭咁玩。

唔好問我 XD5 得唔得，爭嗰兩舊水，我一定唔會揀。始終 5 吋低音同 6.5 吋低音，低頻表現都有一定差距，我覺得唔值得為咗慳少少而犧牲。

四個角就配四隻 Taulssen 淘聲 T12 超低音。

由於你部 AV 擴音機可能只有兩組超低音輸出，我會前面兩隻手拖手當一路，後面兩隻手拖手又當一路。

不過你住 Apartment，唔係獨立屋，始終要考慮畀人投訴嘅風險。

有四隻超低音嘅好處，就係彈性夠大。想過癮嘅時候，四隻一齊盡情發揮；如果夜深要自律，或者曾經畀人投訴，就可以熄咗對角前後各一隻，只開兩隻。

如果只係煲劇，其實開一隻都已經夠，甚至唔開超低音都冇問題。

MDLP

如果打算買咁大棚喇叭，我知道樓主嘅原意，都係想夠勁，擺喺屋企又有體面。

不過，如果用 Yamaha 去推，要做到真正夠勁，未必會比將低頻分工交畀四隻超低音更有優勢。

至於講體面，呢款喇叭個外形，擺明老翻 Klipsch（傑士）嘅設計。我自己就反而覺得有少少形象低落添！

咁樣嘅話，我反而寧願清一色擺九隻 JBL，整體風格一致，我自己會更加鍾意。