國內蟲蟲店買電視經驗分享

YeungCheuk@G

其實喺呢間店度買過第三次，
1.第一次買sony55吋，應該都有10幾年，當時買嘅原因係同款真係平一倍有多，好定唔好冇乜印象，總言之正常送到貨用到。

2.第二次經驗係想買部TCL高階嘅Model 65吋，諗住喺香港買安全啲，點知香港剩係得啲舊款嘅型號，再次幫佢買，講明是送到家，點知喺樓下劈低就走，雖然部機都冇其他事發生，操作正常，但係真係唔敢推介俾人。

3.第三次終於出事，買咗成個半月用各種原因推介都未能送貨。原本諗住唔會再幫佢買，香港買算啦，但阿媽鍾意國內的家的skyworth畫框電視，也習慣了他的操作，諗住俾多次機會佢，點知今次真係扯晒火。已經先小人後君子，講明準時送貨，送到家門，點知差不多1個半月用不同原因，第一次話個mon爆咗（冇相片作證）、跟住話個師傅失蹤咗、跟住又話自己病左，跟住又驚有風球送唔到（實際係冇打風），最新嘅版本或自己好忙，最近睡得唔好，所以冇跟,叫我放心。大佬部電視壞咗成個月冇得用，叫我唔使咁緊張，我都講我嘅難點，老婆以為我俾人呃，搞到家嘈屋閉，啲細路日日返到去問我幾時有電視睇，次次約實，嚟唔到又唔出聲。我叫佢退款，他又潛水中。今次用微信買，現在由微信那邊跟進中。