《反斗奇兵5》IMAX短評！

小瑟

【玩具迷大激辯 🧸《反斗奇兵5》IMAX短評！】

好多影迷都話《反斗奇兵》去到第3集完美結局就應該收齋，連第4集都話多餘？但今次小瑟都喺父親節去睇咗《反斗奇兵5》（Toy Story 5）嘅傳媒優先場 ，仲特登喺屋企溫習完第4集先入場

今集最震撼玩具迷嘅，一定係故事主軸大洗牌 ！以往我哋睇慣胡迪同巴斯光年雙雄做主線 ，今次竟然係由 翠絲同紅心擔正做主角 ！老實講，開頭嗰段鋪墊相對較長 ，一開始真係有少少唔習慣 ，好想睇多啲胡迪佢哋 。不過睇落去就會發覺，導演好巧妙咁將翠絲嘅過去同依家融合埋一齊 ，成個角色發展非常立體好好看 ！  

👨‍👩‍👧‍👦 家長必睇：實體玩具 vs 電子產品
今集核心探討現代科技玩具同傳統實體玩具嘅競爭 。戲入面有個位好寫實，一影到小朋友圍埋玩平板，畫面就會呈現好刺眼嘅螢幕強光，完美折射依家低頭族嘅現象 。而且後半段關於「父母心」嘅情節——原來玩具咁多年嚟默默做緊嘅事，本質上就係父母做緊嘅嘢 ，去到尾段某個點，直情令全場家長一秒感觸落淚 ，要即刻攞紙巾 ！  

雖然今集胡迪同巴斯光年嘅「白癡緊張低能反應」相對減少咗 ，但廣東話配音一出現張衛健同劉青雲嘅招牌把聲，成個人即刻醒神晒 ，老玩家一定好有共鳴！絕對係暑假必睇嘅合家歡首選 ！  

📸 睇下我哋今次嘅影評造型，係咪同今集嘅主角翠絲、胡迪一樣咁夾先？（笑）

👇 詳情請睇我哋 YouTube 嘅詳細無雷影評分享