期待灣區影音生活之150吋lMAX效果篇

avsuperman · 發表於 2026-3-23 11:53

越來越多朋友選擇到大灣區享受退休生活，我在24年初已有此打算，感受大空間之餘，也體驗低生活成本，最後選擇中山坦洲作為退休基地(15至20分鐘到口岸)，買樓之後開始計劃打造家庭影院，裝修期間有獨特要求，比如牆上角要裝插蘇位，拉獨立線及香港帶來SlNE英式入牆插蘇，窗簾布要拖地，特製雙層隔音玻璃四摺式拉門(全屋最貴項目)，甚至布簾見漏光加設到頂櫃遮光，近電視位天花油深灰(效果未如理想後重做)，咁大動作原因只有一個，玩投影。之前一直有租工廈玩92吋Stewart配Sony 360，收貨有餘。如今有更大的空間，可以玩得盡興，大前提係要搬香港架餐既不方便，又要遇上打税風險，最佳方法就係國內入手，雖然對玩開海外貨的發燒友未必滿意國產機，但試玩後绝對性價比高，其中先入手創維100吋電視，選機當天被多個100品牌包圍的感覺的確興奮，而且國家補貼下只是17xxx人仔，係100吋，最緊要可拆盒入升降機，看電視，YT，打機，網片部分完成，但玩開投影始終念念不忘，一次去珠海居然之家的經歷，令我重投投影懷抱，在當中一間家庭影院設計公司閒談中，本來打算在110呎的房間玩AV的念頭徹消，加上友人到訪我家中，認為不應浪費客廳，再看過設計公司放映的投影效果，更重要係我在珠海遇上Sim2X80...多種因素影響下有幾大玩幾大。

幾經波折終於上幕
師傅度完位，满心歡喜迎接150吋巨幕，怎料就算樓梯2人抬上17樓(人工$800，超低)，Sorry，轉唔到灣，結果又要送返公司，解決方案就係吊入屋，我聽某大影音公司老友講，早前在香港吊150吋上30樓，最貴係保險，加埋要8皮，呆左。大灣區生活之平，可從今次吊幕，我只係用左未到2千人仔，入屋見電幕幕長15呎，好跨張。安裝當天又遇波折，本打算在天花安裝，但非石屎唔得，因要避開電視又不能直接貼近牆身，又要等2星期，使用牆架後終於解決問題，由買機到落幕超過4個月(新年休息)，當晚上獨自看電視時，我家中有部華強北投影，2千左右的画質係點，我嘗試投射到幕布，觀看距離13呎，嘩，好大画面，好似睇IMAX，画質比想像好，幕係乜牌子，有寫但唔識，效果比預期理想，尤其放到140吋(用唔晒)，宜家期待4月裝埋Sim+Zidoo8000的画面會係點，好心急，不過由24年11月至今都停玩AV，为了暫時止瘾，先購入三星990D山巴玩住先......我的9.2.8多聲道影院希望早日上映