Sennheiser AMBEO Soundbar Max 用對喇叭腳承？

heven

校早前睇大王直播條片，有師兄問佢有邊隻soundbar介紹，大王有提過依條☝🏻，我摷完啲舊文它雖然歷史悠久但我鍾意，因為電視機櫃面唔夠闊，心諗可否用一對foundation 24吋上面加塊實心木板承托佢！不知是否可行，麻煩各位師兄𧶽教🙏🏻😄

通山跑

如果對foundation 水平ok，加腳加釘之類上面方MAX 咪得囉！ 應該好聲過放電視櫃

228102

我試過就咁放電視櫃上面, 發覺睇戲果陣支BAR同電視櫃會有共振, 所以最後都係要掛牆去解決, 所以如果要放枱我建議吸震要做好啲, 木櫃振出黎啲低頻聲係好影響好難聽。

heven

通山跑 發表於 2026-3-10 11:39
如果對foundation 水平ok，加腳加釘之類上面方MAX 咪得囉！ 應該好聲過放電視櫃 ...

多謝師兄回覆🙏🏻，我當AMBEO係喇叭咁set會度水平，只想了解用實木板放係foundation上面(對foundation 相距約80-90cm)，應該夠力承起支soundbar卦🤭

heven

228102 發表於 2026-3-10 12:42
我試過就咁放電視櫃上面, 發覺睇戲果陣支BAR同電視櫃會有共振, 所以最後都係要掛牆去解決, 所以如果要放枱 ...

多謝師回覆，因為枱面唔該深度放支AMBEO，剛巧有對foundation 閒置不用，因此忽發其想，用實木板承支soundbar，想了解有冇師兄會唔會否咁做啫🤭
同時想請教師兄，支AMBEO上年firmware 更新後，各方面的音效有否改善？另方面它的發熱情況如何？🙏🏻😄

通山跑

我只係有JBL1300，放電視櫃上面。
試過幾種腳/釘都係有改善，當然可能因為電視櫃太差了😅
我會覺得腳/釘好過一般實木板，又或者可以係木板下再加腳/釘

heven

通山跑 發表於 2026-3-11 11:01
我只係有JBL1300，放電視櫃上面。
試過幾種腳/釘都係有改善，當然可能因為電視櫃太差了😅
我會覺得腳/釘好 ...

明白，收到！小工木耳，不求完美聲響，只求這樣擺法，夠力承起AMBEO MAX😅，麻煩晒🙏🏻😊

228102

heven 發表於 2026-3-11 01:08
多謝師回覆，因為枱面唔該深度放支AMBEO，剛巧有對foundation 閒置不用，因此忽發其想，用實木板承支soun ...

個update對我黎講最有用係可以獨立調較向上同左右單元既音量, 咁樣可以按自己要求去調較。好似我咁, 我左右同向上聲道都加左2dB, 睇戲成個感覺就已經好大唔同, 可能我個廳左邊牆近右邊牆遠, 而家有得調較, 的確感受好大, 所以我覺得呢個update係幾好幾重要既更新。

heven

228102 發表於 2026-3-11 17:32
個update對我黎講最有用係可以獨立調較向上同左右單元既音量, 咁樣可以按自己要求去調較。好似我咁, 我左 ...

多謝師兄分享，我左邊近窗但有窗簾布，另一邊係與飯廳相連，左右不對稱，如果有個別喇叭的音量調校咁就非常之好，因為蝸居關係，soundbar到坐的位置只得大約60吋，AMBEO應該應付有餘啦🤭