新電視內罝apps VS Apple TV 睇串流 ??

HermanChan@G

LeoChin@FB 發表於 2026-3-29 11:51
一陣影隻原裝火牛俾 閣下睇吓吖

電視出現了已一個世紀，咁就請師兄盡快告訴各大電視生產商開發DC input了🤪

LeoChin@FB

HermanChan@G 發表於 2026-3-29 12:20
電視出現了已一個世紀，咁就請師兄盡快告訴各大電視生產商開發DC input了🤪 ...

生產商要計成本，每部機成本多廿蚊，出嚟嘅數字會非常大咖

HermanChan@G

LeoChin@FB 發表於 2026-3-29 12:26
生產商要計成本，每部機成本多廿蚊，出嚟嘅數字會非常大咖

DC不是高科技也不是高成本的事物！師兄究竟懂不懂電子學！阿彌陀佛、哈哩路也、阿門🙏🏼

LeoChin@FB

HermanChan@G 發表於 2026-3-29 12:40
師兄究竟懂不懂電子學！阿彌陀佛，哈哩路亞🙏🏼

哈，真係唔識喎

HermanChan@G

講開又講，我有小雲盒、極影盒，騰訊極光5ProMax盒，三者都是用DC input + 精裝LPS牛供電….
上述三者的聲畫也不及原裝AC input的ATV 畫質/音質/殘影修正/色域輸出/訊噪抑制/細節重現的 ⅓功力。

話原裝ATV聲畫差的師兄們，箇中原因相信是家中的電源雜訊太多，即是「電唔靚」。摩改DC電源模組電路板的作用實情是「濾波」修正電紋波，盡量達致正弦波曲線的效果而已。倘若家中電源靚，原裝ATV一樣可以發揮得淋漓盡致。

再講，就算摩改了ATV，但家中的電視、擴音機或soundbar是否有靚電供應也是一個導致聲畫質素高低的因素。

以上器材的接地全是共通的，只要有一個接地接得唔靚，就會連鎖反應不能達致完美效果。

為何有很多師兄說這些改裝可能有用或可能沒用？箇中有很多原因，AC或DC都未必是事實的全部，不要迷信！玄學就是要拆解哪一環出事，而並非跟風盲做，人改你又改。

千幾蚊買ATV有這樣的效果，仲想點！改到鬼五馬六又唔知安唔安全，想要高質效果，不如買部流媒硬盤數播機吧！成套影音系統源於電，想玩得好，不如從源頭入手，全套系統都有靚電供應，而不是局部性或單一性器材。

電子世界的影像和聲音，來來去去都是要有「靚電」先能盡情發揮器材應有或極限的水準，如此這般也！（養魚其實係養水，水靚魚就生猛）

如有妨礙他人搵食，實屬抱歉！良心分享。

注意安全⚠️保險未必賠㗎

JayShiu@G

HermanChan@G 發表於 2026-3-29 21:13
講開又講，我有小雲盒、極影盒，騰訊極光5ProMax盒，三者都是用DC input + 精裝LPS牛供電….
上述三者的聲 ...

小弟作為一個真正ATV改版用家, 純粹想分享一個簡單平靚正方法提升ATV影音效果, 正如我最初出post嘅時候都提過之前用換線嘅方法但可能財力有限線材未夠高級效果能做到更好.

作為小小發燒友當然亦都明白更好嘅電對影音都有正面效果, 所以基本上都有拉獨立電及用Sine拖板, 但都係嗰句財力有限暫時未有用更高級嘅隔離牛及Lightspeed, 將來可能都會考慮升級, 所以可能因為咁啲電都仲未夠靚, 而且又冇玩接地等等, 所以暫時仲未達到完美效果.

我諗可能好多發燒友包括我都冇師兄d電咁靚咁完美, 又研究埋接地, 只係純粹想簡單玩好小小ATV, 所以就選擇摩改版DC電源模組接LPS供電, 雖然唔係一個完美方案, 但正如我開post所講影音效果大幅提升~ 1仟唔洗可以將原裝ATV效果升級到更上一層樓仲想點~

呢個係小弟客觀實睇實聽比較ATV改前改後嘅結果, 當然其他大陸盒子或者其他下價盒子是否都一樣都對電源敏感令到改用LPS後又可大幅提升我諗就未必, 部部機結構唔同效果都未必相同~ 本人唔識電子學，但都明白呢個道理~

至於安全問題, 我作為一個用家當然覺得重要, 暫時亦未見到有什麼案例有漏電或爆炸情況出現, 而且溫度亦非常正常, 所以我暫時都滿意所以都會用住先. 本人亦都唔會因為iPhone同尿袋曾經發生過爆炸而唔用, 我只會小心去用~ 而且作為發燒友我都有用美式電源線插蘇等等亦明白可能未必有英式咁合法及安全而去抗拒, 只會安全地使用, 所以完全係個人自己決定及自行衡量~

另外, 摩改其實喺影音界出現咗咁多年其實並非新鮮事而且有好多發燒友都有用, 如果改得好又有效果又平靚正本人不會迷信及有偏見地抗拒唔接受, 影音科技同技術日新月異, 唔知師兄係咪幾十年前果d摩改有唔愉快嘅經歷或有安全問題，所以比較抗拒 ?? 咁你有冇真正客觀地試過或者了解一下而家呢個可能比你以前嗰啲好好多 ??

如果師兄想良性討論，我諗呢個討論區大家都歡迎一齊討論一下點樣玩好ATV影音效果, 但如果成日單打人哋賣野及不客觀地不接受人地新產品試用感受, 咁我就建議師兄可以自己另外開一個post自行討論~~

溫馨提示, 本人是真•用家非搵食, 如令人誤解實屬抱歉~ 純粹良心地想分享個人試玩後感受~~🙏🙏

JimChung@FB

樓主惜怒。之前都有C兄提過我地。而家一講摩改ATV電源，就會有人話你搵食。我都費事理佢。自己玩得開心便是。

利申：本人用真金白銀千幾元（貴過樓主）去改用ATV電源模塊。有此提升 , 我都覺得值得。起碼現在慳返好多買碟錢及睇多好多電影。但如果要頂級享受，都係建議買碟。本人某些大作都會去買碟的。我都有部 先鋒LX800

LeoChin@FB

JimChung@FB 發表於 2026-3-30 16:49
樓主惜怒。之前都有C兄提過我地。而家一講摩改ATV電源，就會有人話你搵食。我都費事理佢。自己玩 ...

連開關電源同線性電源都⋯⋯、喺度b l b l🤣

JimChung@FB

LeoChin@FB 發表於 2026-3-30 17:04
連開關電源同線性電源都⋯⋯、喺度b l b l🤣

咪就係囉。幾舊水改ATV。我買條線都唔只呢個數啦。

LeoChin@FB

JimChung@FB 發表於 2026-3-30 17:17
咪就係囉。幾舊水改ATV。我買條線都唔只呢個數啦。

Kingyan師兄個帖嘅初衷、係講老虎魚板，用三百幾蚊人仔、買隻百搭牛，加埋都唔使五嚿水，聲畫都已經立竿見影，走去搵個電工上屋企望一望，未開皮已經收一工人、過千喇，玩成屋地線⋯⋯哈哈⋯⋯