如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
[youtube]sr7mRIcw-Ws[/youtube]
我地係BEYOND樂隊,我係家駒
音樂應該有好多種類,有好多唔同性格o既嘢,有好多色彩,有好多唔同o既感情,唔同o既文化o係裡面,因為音樂係藝術嚟家嗎
音樂唔係淨只娛樂咁簡單,係生命中裡面一個節奏,即係無論你係一個幾繁忙o既人,點淨係顧住搵錢o既人,你都唔可以無音樂
大部份o既歌,我地覺得,我地o既歌啊,唔係用嚟娛樂o既多囉,係用嚟欣賞o既多囉,呢D係我地o既心聲,我宜家對呢樣嘢有感覺,我大聲D唱俾大家聽
即係我覺得,每一樣嘢都係發自內心嫁囉,要感動人一定要感動自己先
我係一個音樂人,我係一個音樂人,我要尊重音樂
我諗我......如果無咗音樂呀,死嫁我......我會我會我會我會死嫁真係......即係,無可能無嫁我
我成日覺得就係自己孭起支結他就好似孭住把寶劍咁樣o既
你要向社會需要一D嘢o既時候,第一個步驟你問吓你自己俾咗D嘢社會先啦,我俾咗音樂囉
我抱怨緊一樣我唔滿意o既嘢,我盡量去改變佢,但係我不斷咁抱怨但係又唔去改變佢,咁我咪淨係抱怨囉
我又唔係咁介意人地點睇我地自己囉,其實我就唔覺得自己反叛o既,我就覺得自己好正常
好辛苦嫁如果太刻意做一樣嘢出嚟,你會吃力不討好
我絕對唔希望我地中國人永遠停留係懷勉過去o既一D輝煌史裡面,呢D咁o既輝煌史已經過去咗,我地要建立我地明白o既輝煌史,我地要為將來做得更好
我諗最大理想我諗都係BEYOND可以世界巡迴表演,即係可以帶俾即係外面o既朋友睇吓我地香港都有自己o既音樂,有自己o既樂隊,話俾人聽我地香港o既樂隊都係有返咁上下份量o既
我地可以咁大膽去到咁遠,完全都係因為有一班好似你地咁好o既歌迷
o係我地o既未來日子裡面,我地會面對好多大時代o既變遷,我地會好積極咁面對我地將來o既變化
我相信今晚會有D由83年支持到我地今日o既朋友o係度,可能唔係好多,但係應該有掛,o係度再一次多謝你地
無論去到幾遠幾遠,最後我地都係返返嚟呢度o既 |
發表於 2010-4-25 22:22
發表於 2010-4-25 22:44
