Effect Audio 創辦人親自解話：點解旗艦線/耳機可以賣咁貴？...

小瑟

早前 FUTEX 記者會，大家焦點除咗落喺嗰對賣成 7 萬蚊嘅 GMA-FE 耳機之外，相信對 Effect Audio 嘅調音取向同定價都有唔少疑問。

今次有機會同 EA 創辦人 Zou Suyang 坐低傾咗成半個鐘，佢講嘢好直接，完全唔避談「主觀感受」同「商業價值」。佢話 EA 嘅產品 99% 係靠佢個人對聲音嘅藝術追求，甚至講到如果聽唔到想要嘅聲，係會「瞓唔著覺」。

幾個我覺得幾值得大家討論嘅位：

數據 vs 聽感： 佢認為調音係藝術設計，唔係冷冰冰嘅 Spec。大家點睇呢種「主觀至上」嘅品牌理念？
神域之章（Chronicles of Legends）： 將 Heritage 系列改名，係咪代表 EA 準備將經典型號（如 Ares II）全面升級？
貴金屬溢價： 佢分享咗 EA 點樣計成本，強調唔會因為市場炒賣而隨意加價。
我將成段訪談剪咗出嚟，入面仲有提到 GMA-FE 嘅調音模組細節，各位師兄對 EA 或者呢對聯乘新作有咩睇法？一齊交流下！

專訪影片：

小瑟