終於忍唔住買咗valerion visionmaster max+第一日開箱後初步測試+用後感想

marco

係呢個吹水討論區,講野自由度都真係算好開放,無咩見刪post
其他可能吾比講添啦

marco

AskaLung@FB 發表於 2026-1-17 12:09
係呀，夾編織幕冇問題,啲層次立體感仲好好添👍

上個月去廣音展見到隻焦点打孔幕都幾靚,真係睇吾到D細孔,可能距離夠

AskaLung@FB

marco 發表於 2026-1-19 11:49
上個月去廣音展見到隻焦点打孔幕都幾靚,真係睇吾到D細孔,可能距離夠

係呀，前幾年都諗住買打孔,跟灰幕,不過廠商同我講,我2.7m 打100吋會見到孔，所以我就換咗編織幕，不過OK，同埋打孔另外一樣問題就係如果你背後有啲器材有燈嘅話有機會，喺某啲黑暗嘅場景裏便會喺嗰啲窿度照返出黎

AskaLung@FB

再更新少少部Max體驗,呢部機如果愛嚟睇動畫真係簡直係一流,立體感好強,最緊要就係嗰啲暗位,以前嗰啲位完全係灰度都唔知佢做乜,同埋人物嘅顏色都會好淺色,而家睇返怪獸大學,最後便嗰度係個樹林嗰個灰位,完全睇得到晒入邊啲內容,同人物嘅顏色都係正常,最勁就係佢嗰個光度,第二幅相見到嗰啲電筒真係用好光猛嚟形容，但係內裏黑位依然好實淨👍

marco

AskaLung@FB 發表於 2026-1-19 12:34
係呀，前幾年都諗住買打孔,跟灰幕,不過廠商同我講,我2.7m 打100吋會見到孔，所以我就換咗編織幕，不過OK ...

係喎,呢樣反而無諗到,因為國內D小黑屋影院器材都吾係擺幕後面

AskaLung@FB

marco 發表於 2026-1-19 13:44
係喎,呢樣反而無諗到,因為國內D小黑屋影院器材都吾係擺幕後面

我後便好多機，所以好多嗰啲燈仔

C-46

AskaLung@FB 發表於 2026-1-19 12:38
再更新少少部Max體驗,呢部機如果愛嚟睇動畫真係簡直係一流,立體感好強,最緊要就係嗰啲暗位,以前嗰啲位完全 ...

真係好鬼正🤩🤩,搵日真係去睇下先

C-46

ASKA兄，用咗幾日會唔會再搵到啲缺點出嚟講吓呢？😂

AskaLung@FB

C-46 發表於 2026-1-20 08:10
ASKA兄，小心用咗幾日會唔會再搵到啲缺點出嚟講吓呢？😂

暫時再搵到少少缺點,第一就係佢內置Google TV嗰個介面,佢有啲顏色好深，尤其是係紅色,更新咗最新版本之後,撳畫面設定嘅內容都更改唔到嗰個顏色，就算將個顏色改做零佢都冇辦法去改變,不過去到畫面內容就冇問題，佢又可以正常返應該係嗰個bugs,唔影響正常觀看,第二樣暫時發現嘅問題就係個EBL,有陣時睇一啲畫面一個大頭嘅時間可能會見到輕微有少少變紅或青嘅現象，上網搵到相關資訊

EBL 功能與偏色現象
EBL 技術旨在透過即時調整 RGB 激光功率來改善 DLP 投影機固有的對比度限制，從而提供更深的黑色水平。然而，在實際運作中，此動態調整算法會引入顏色偏移。
偏色情況: 根據用戶和專家評論，開啟 EBL 功能時會觀察到輕微至明顯的色偏。尤其是在 v1215 韌體更新後，雖然解決了先前版本中偏向紅色的問題，但新的情況可能會輕微偏向綠色。
視覺效果: 在 EBL High 模式下，色偏現象通常更為明顯。在 EBL Low 模式下，激活速度較慢，但色偏較輕微。

咁但係其實就唔係話太容易察覺嘅有陣，同埋我嘗試過關閉，係的確冇咗呢個問題，但係就衍生咗個對比度就冇之前嗰種深沉黑，所以開咗都係利多於弊，因為嗰個深沉黑,睇完真係返唔到轉頭😂,
不過官方講明會陸續更新，所以呢個唔使太過憂慮

AskaLung@FB

再加琴晚少少分享，尋晚試咗用部投影機內置嘅Android TV嘅EARC會轉去8500h,開啟迪士尼app,再喺音效嗰度設定就可以出到 I MAX DTSX🤩
琴日喺唔係好大聲嘅音效睇吓我覺得係好OK,
另外Android TV裏面嘅Netflix都改善咗我平時喺Apple TV裏面嘅問題,譬如如果你喺個畫面嗰度set咗喺DV,嗰個好似叫做跟住個畫面去做返個原生,咁每一次入去個介面同埋去到嗰個戲中間嗰陣就會有一下黑畫面,嗰個係一個握手嘅動作,但係佢呢個Android TV係完全係無縫去做咗,仲有一樣，就係Apple TV每一次睇Netflix開一套有atmos,都會冇咗開頭一至兩秒嘅聲音，依家無縫接住個畫面佢係冇呢個冇咗一兩秒嘅問題