終於忍唔住買咗valerion visionmaster max+第一日開箱後初步測試+用後感想

AskaLung@FB

MDLP 發表於 2026-1-31 04:53
早兩個星期一次過家訪睇晒堅果、當貝、極米、Vidda
暫時按次序排列感覺最良好係宏兄部T10
堅果在安裝及調 ...

當天10幾人上去睇max,我哋有個朋友都好似問你一吾一齊上，不過好似唔知係咪你唔得閒😅

MDLP

AskaLung@FB 發表於 2026-1-31 19:02
當天10幾人上去睇max,我哋有個朋友都好似問你一吾一齊上，不過好似唔知係咪你唔得閒😅 ...

係呀
嗰日咁啱約咗去參觀朋友部vidda c5開箱

AskaLung@FB

MDLP 發表於 2026-1-31 23:37
係呀
嗰日咁啱約咗去參觀朋友部vidda c5開箱

C5真係未睇過實物嘅畫面唔知得唔得呢？

MDLP

AskaLung@FB 發表於 2026-2-1 00:18
C5真係未睇過實物嘅畫面唔知得唔得呢？

當日試 C5 嘅時候，投影幕啲機關有少少問題，打唔開，最後唯有改為直射白牆。仲有部分裝飾用嘅 LED 燈唔知點解關唔到。

簡單調校之後，打到大約 96 吋。我自己心裏面都自動打咗個折七除八扣，但即使咁，C5 畀我嘅感覺依然好強。對比之前睇過嘅三部——堅果、當貝、極米——都覺得 C5 真係非池中物。
其實當日仲有部全新國內版海信75吋大約萬八人仔價位嘅電視機，部C5未開箱一睇部電視畫面，我已經話部C5可以完全吊打部電視，最後結果亦是如此！


另外，我嗰個用 N5 嘅朋友真係抵死。佢淨係用咗一塊兩舊水人仔嘅普通白幕，結果播 Blackpink《Pink Venom》8K SDR 嗰陣——完全估唔到個黑色可以咁樣出到嚟。無論係黑色背景、黑色蘋果、黑色油，甚至連黑色頭髮都可以黑到咁令咁立體，真係有啲嚇親。不過堅果有些失望係佢個menu調較反應真係畀其他機差。例如撳個menu出嚟調光暗，佢居然可以將個畫面加層灰變暗，真係痴線！要撳好多吓return，先至可以返轉頭睇返個調教結果！

MDLP

AskaLung@FB 發表於 2026-2-1 00:18
C5真係未睇過實物嘅畫面唔知得唔得呢？

事後要戴一戴頭盔:

上面提到嘅四部機,喺價位同定位上, 都同 Valerion 有明顯差距,應該唔係同一級數。

以價錢做個簡單對照就知道:

C5:大約係 Valerion 嘅2/3 價錢

T10:再比 C5 平三千

S7:只係 Valerion 嘅一半價錢

N5:仲要再平多兩仟

企鵝

三雷射+彩虹=100%有色散,沒有彩虹抑制就不用比了,動態對比色溫變色或忽明忽暗閃爍,黑位不行或發灰也不用比了.
有人C5切到IMAX後,亮度約在10秒後突然下降.


Valerion MAX很早就改建議售價US$3,999, 台灣售價NT$109,000,而C5水貨台灣賣NT$12萬,真好賺.

fmchan

MDLP 發表於 2026-2-1 01:57
事後要戴一戴頭盔:

上面提到嘅四部機,喺價位同定位上, 都同 Valerion 有明顯差距,應該唔係同一級數。

就係要加埋價錢嘅定位，先有比較價值

MDLP

購買呢類「黑科技」投影機，有一個千祈唔好忽視嘅重點：安裝位置同方式。

有啲型號仲配備 AI 雲台，如果你唔係打算當走鬼機四圍搬，有ai雲台就可免側免。因為你一唔小心撳到 AI 對屏，部機就會自動上下左右搖、放大縮細，再加埋梯形矯正，成個畫面會重新調整。呢個ai對齊畫面功能亦都唔係咁可靠！

另外，有些投影機嘅最佳安裝方式係：喺投影幕嘅上下左右正中位置直射。如果你想貼近天花板安裝，又唔想吊得太低，最好靠光學移軸去微調，而唔好畀雲台介入，否則容易出現數碼梯形或四角修正，影響畫質。

所以，安裝前一定要計清楚：光學移軸範圍是否覆蓋到你嘅投影距離、畫面大小同安裝高度。

MDLP

再補充少少選購時要留意嘅地方。

網上有唔少影片示範堅果 N5 嘅自動 AI 入屏功能，睇落去真係好智能。但偏偏我朋友屋企用嘅時候就經常失效。再加上倒吊安裝時，因為佢個雲台會自轉，但又唔係真正嘅無段式旋轉，所以當你吊上天花板後，AI 回中未必可以做到同投影幕 90 度垂直。結果就會令投影機同螢幕之間有少少側角，部機又會自動做數碼四角修正，最後畫質一定會受影響。

至於另一部當貝，我覺得佢個實體物理光圈非常實用，但可惜就係冇移軸功能，安裝彈性會差咗一截。

AskaLung@FB

MDLP 發表於 2026-2-1 09:39
再補充少少選購時要留意嘅地方。

網上有唔少影片示範堅果 N5 嘅自動 AI 入屏功能，睇落去真係好智能。但偏 ...

係呀，當初如果當貝有鏡移，我可能都入咗都唔出奇，而家我部Max都係冇左右鏡移只有上下105%,不過我就係擺梳化後邊嘅櫃嗰度，所以我左右可以郁動,最緊要係有上下移動，有上下已經係好足夠