韓版Death proof 和 Planet terror 藍光碟

501xx

啱啱睇完昆丁呢套舊作，美版係兩套2合1，反而韓版分開就係加長版。當年港版冇買到，依家見有中文字幕，所以會追返。依2部片都係特登攪到殘殘既效果扮菲林片，加咗D直痕，係致敬返70-80年代．．所以，同其他作品完全唔同，如果出4K，又保留呢個風格，咁真係唔值得去做4K修復，如果攪清哂，會走失咗原味，呢套戲就係大玩風格化實驗電影類型，殘殘舊舊，菲林都燒埋，都係昆導要求，藍光用50G碟，已經好足夠。
death proof 比較多對白，多描寫同刻劃角色性格，建議有字幕較佳，明唔哂會冇咁過㽼，特別係佢粉絲。
韓版有紙套，凸字設計都幾靚，精美。建議買韓版除咗有字幕，仲係unrated和加長，美版合集叫刑房好似cut走咗D嘢。

501xx

Planet Terror 係大玩病毒喪屍，也是向cult片敬禮，blu-ray足矣。

collinyiu

請問佢中文字幕係廣東話字幕？定係台譯字幕？