【會後討論】HEGEL H150 合併式擴音機xKEF喇叭體驗會

erinerin

2026 活動第一彈來了😍😍😍 一齊玩盡 HEGEL H150 x KEF 喇叭組合嘅體驗會😝😝😝

體驗會由 小瑟 同 Michael's Audio 大雄哥 兩位對兩聲道非常有要求嘅玩家 同大家分享🥳🥳🥳 無論係歌曲嘅選擇，定係別出心裁嘅 A/B TEST 都係精心挑選😚😚 現場嘅版友們有耳福了！

Hegel H150 Prodigy 串流合併式擴音機，原來呢部 H150 夾 KEF R3 Meta 喇叭竟然可以咁夾😍😍 🎶 加上場地竟然有成500尺(大雄哥FC過)，遠遠超出官方建議嘅「射程範圍」。小編聽完，只可以講完全收貨🙌🏻🙌🏻☺️ 已經 FF 緊對喇叭擺喺面積更細嘅屋企可以完美發揮嘅美好畫面！

之後仲追加埋旗艦級大佬 Blade Two Meta 喇叭，同 H150 身價相差10倍嘅組合，竟然游刃有餘，非常驚喜😍 再加埋 D50 串流機，將聲音嘅潔淨度再次提升！

同埋 H150 其中一個重點，就係比上代追加咗 DAC LOOP 功能，小瑟同大雄哥又用兩對喇叭分別試咗佢嘅效果，真係聽得出有分別🥰🥰

大家有興趣試聽 HEGEL H150 擴音機嘅威力，又想指定夾你心目中喜愛嘅 KEF 喇叭，就記得去 KEF 預約專屬試聽時段啦！

另外， 大雄哥非常歡迎大家前往旺角 Michael’s Audio 試音室，試吓 HEGEL H150 如果推其他品牌嘅喇叭，甚至夾其他線材嘅效果😆😆

erinerin

即刻睇吓現場嘅設置啦

KHim

雖然今日遲咗嚟，但係都好彩冇Miss到啲歌🥹

多謝post76同KEF今次搞呢一個活動，仲要係2026年嘅第一個音響活動🥹。

對R3 meta平時上KMG就見得多，試聽真係第一次。我坐最後排最邊邊嗰個位，佢一開聲我估唔到佢一對書架喇叭個音場都可以咁大咁廣，仲要個低音都係足夠有feel，真係好勁。聽學友試機真係好正，好鍾意聽佢啲Echo同尾音。我坐後面聽個感覺，我覺得好似喺個錄音室入邊聽緊佢錄歌咁。佢嘅尾音、高音、結他聲、鼓聲，全部嘢都好真實呈現返出嚟俾你。之後落埋dac，真係返唔到轉頭。即刻好似將個音頻再分析得細膩咗，結他弦聲直頭好似下下都彈你耳仔咁，學友尾音聽多咗野，好似聽緊live咁。

之後再聽Drum solo嗰一段音樂，你直頭可以聽得出個鼓手就喺正中間，坐喺度打俾你聽一樣，而佢只係將個原音放大返出嚟俾你。而佢嘅分析力都好強勁，你可以好清楚咁聽得出佢係打緊邊一個Tom，佢嘅High、Mid、Floor Tom係喺邊個位你都可以聽得到。

Blad都係啦，聲底好厚實，聽緊串流轉去聽黑膠，好明顯聽得出啲聲更加暖，更舒服。無可否認KEF真係有料👍🏽

kinghung

估唔到H150都推到Blade 2, 比想像中推得好 (呢個係我此行目的)

michaelltw

冇小食，冇水飲!下次再改善

michaelltw

下次再搞影音分享，可以去旺角？

jpclhair

大叔本人講嘢有啲長氣 可以插但係請留手

Hegel 呢個牌子嘅發佈會我已經係第二次參加
既然今次講嘅係品牌嘅初階 本來都唔抱太大嘅期望
見到有大雄哥幫手，不如落去聽吓睇吓有啲咩歌介紹啦
H150 聲稱 A B類75瓦供放 推小喇叭推得有板有眼 應該適合一般家居環境
但係今日響陳列室最少有500尺地方 音量制平均開到60以上 有些時候還開到75以上
我先講部機係夠力嘅 開到咁大聲，完全係因為地方太大要照顧廿幾人都聽得到，所以先開到咁大
不管開到這麼大聲 但係從未試過有失真嘅情況出現 主持人播放嘅音樂有快亦有慢 沒有因為功率太少去播放一些小品 可想而知係對呢部機有幾大嘅信心


以前要氹朋友仔跌入火坑通常都會叫佢哋揀啲好聽嘅器材開始 但你今次呢部H 150 我都覺得係一個入坑嘅開始
正如開頭所講，佢駁小喇叭響香港嘅地方係可以應付得好好 之後主持開始將小喇叭換成大喇叭． 估唔到推出嚟嘅聲音亦都令人滿意 正所謂慢慢玩 有排你玩
當你有錢嘅時候可以升級喇叭
再有錢嘅時候 又可以升級你嘅音源

另一樣值得驚喜嘅 音響產品以前唔係銀就黑 依家H 150居然會出一隻白色 本來一部白色嘅合併機平平無奇 但係設計師刻意咁響兩邊嘅螺絲用上拋光銅螺絲
單睇呢部機外型唔會令到你覺得佢好高貴 但係配上白色嘅喇叭 金色嘅同軸 估唔到個效果會令人眼前一亮 雖然今日實物見唔到呢個配搭
但係響今日嘅投影畫 ，曾經展現過一幅好靚構圖 相信家中嘅海關關長必定收貨

jpclhair

michaelltw 發表於 2026-1-10 18:37
冇小食，冇水飲!下次再改善

我見到有紙包飲品喎 不過小食就真係欠奉啦
如果可以開放小酒吧就更加好啦

WingKwanCh@G

我是第一次參加體驗會，感覺非常良好及有趣。雖然之前有去影音展，但花多眼亂，以及很少像今天中組合不同儀器及音箱來比較。兩位主持人選歌及講解亦非常有心思。展示場地非常理想及方便，時間長短也適合，亦窩心地提供飲品，那裡確實不宜進食！再次表示感謝！

WingKwanCh@G

WingKwanCh@G 發表於 2026-1-10 22:32
我是第一次參加體驗會，感覺非常良好及有趣。雖然之前有去影音展，但花多眼亂，以及很少像今天中組合不同儀 ...

👍