《怪奇物語結局：「完美」亦「不完美」的收尾》

小瑟

《怪奇物語結局：「完美」亦「不完美」的收尾》

原來美國有近兩成受訪者表示，今年元旦寧願留喺屋企追劇都唔出去倒數。而小瑟本身絕非「追劇派」之人，但都係 1 月 1 日呢日一早起身開 Netflix 睇埋《怪奇物語》第五季第 8 集。呢場長達兩小時的大結局，絕對係精彩到一秒鐘都唔可以錯過的大結局！

雖然好多人會詬病第 7 集 Will 用咗咁多時間講出櫃嘅心路歷程，雖然小瑟一開始都有呢個感覺。不過如果你由第一季第一集開始追，睇住呢班主角「由細睇到大」，就會感覺呢個鋪排係理所當然。小瑟之前睇過導演杜夫兄弟（The Duffer Brothers）嘅訪問，佢哋提到結局需要眾人一條心對抗終極反派，所以絕對有必要用篇幅去解開 Will 心底最深處嘅恐懼。正因為 Will 今集終於衝破咗心結，大結局個故事發展先可以咁流暢。

講番今集（小劇透，未睇就唔好再睇了！），劇情好巧妙地將所有人團結埋一齊對抗最終嘅「哥斯拉」。最犀利嘅係，劇中咁多位主角各有功能咁去完成呢次任務，而今集亦都見到好多向不同經典 Sci-Fi 電影致敬的場面。女 Rambo（南西），復仇者中 Thanos 的時空穿越。除咗打鬥場面震撼，劇情交代都帶動得非常流暢。

只可惜，觀眾最期待嘅某啲畫面最後始終冇出現，留低咗少少遺憾。但點都好，呢套劇係少有咁精彩、緊張、刺激而且牽動情緒嘅神劇，絕對值得大家留喺屋企開行你套家庭影院，睇足呢兩小時（其實戲院真係應該上映呢集大結局），因為呢套劇有齊 4K Dolby Vision 同 Atmos，雖然音色未算示範級，不過可以由成個 Atmos 音響帶大家一同到《怪奇物語》的 Hawkins、Upside Down 嘅世界，絕對係 2026 年 1 月 1 日的一個非常滿足的開始！

kingyipliang@G

好掛住11

rach

如果戲院有得睇就正！😎

小瑟

kingyipliang@G 發表於 2026-1-1 13:50
好掛住11

ME TOO......依家有種唔知點既感覺~~~

小瑟

rach 發表於 2026-1-1 14:30
如果戲院有得睇就正！😎

係呀, 絕對會入場睇呢~ 太緊張, 太刺激了!!!

getter

Will 講出櫃嗰段，個重點根本唔係 "出櫃"，而係 Will 為咗唔想比 Henry 用佢 "最痛嘅秘密" 嚟思想攻擊佢，所以 Will 自覺要面對呢個秘密，公開咗 Henry 就唔再可以用嚟攻擊佢；話呢段時間長咗，我反而覺得如果編劇只係草草了事，三幾句諗住交代到的話，就變咗毫無說服力，話晒都係最痛嘅秘密，三幾句就搞掂個最痛嘅秘密?！而只係呢個 "最痛嘅秘密" 被編劇安排為同性戀而已。

喺 facebook 睇過好多人講出櫃呢段，有啲直頭話根本唔須要，但我覺得佢哋根本 follow 唔到個故仔囉。

kahanglam

故事平淡，相對帶出淡淡嘅憂傷…..不完美嘅結局亦有長長嘅餘韻。非常喜歡🫶🏿

rach

用左半個月睇完S1至S5, 係小有一套Netlix劇聲, 畫, 劇情都有水準, 用家庭影音播都有戲院效果👍