《尋秦記》電影：劇透討論區

小瑟

我估呢套戲應該有好多人會入場觀看，所以開定一個踢頭討論機畀大家瘋狂劇透討論。

想問下大家睇正常係咪都有兩個結局！？

guardyeesze

有兩個結局!

Ricky1703

有兩個結局!

erinerin

!!!!咩係兩個結局!!! 有冇真劇透😆 準備過兩日入場睇!!

erinerin

睇完了，好失望☹️ 多啦A夢 魔界大冒險電影仲好睇


三哥條線完全唔知想點，有海關打外國勢力嘅既視感。真心 R 曬頭，返去做皇帝嘅動機不足；佢個女做嘅野都係動機不足，「為做而做」，舅父都唔知點解會跟埋去，奇怪。
最後，枉我咁期待秦王會射爆龍哥一家走佬㗎船，點知冇!!! 係有少少失望嘅!!!!!

同埋都幾失望 Silly 嘅戲份點解咁少🥹

marco

好在呢套野無興趣睇啫

gashapon

上星期唔得閒所以今日先走去睇. 睇之前其實有睇下d評論, 所以都大約知咩事.
我自己覺得睇完係開心o既, 真係有種見返老朋友的感覺. 不過都同意故事大綱其實可以再做好d. 3哥個動機其實真係好唔合理. 一個發明出時光機, 膠囊電單車, 竟然只係想去秦代做皇帝? 就算佢坐o左20年, 以佢科學的智慧都唔會窮. 另外佢絕對可以坐時光機返去20年前阻止項少龍去坐時光機就不用坐監, 甚至自己返20年前去陪佢個女都可以.

另外就係太多"閒角", 好多人以為好重要, 但可能名都未知已經死o左...
結局2其實有d唔合理, 因本身又話個儀器只可以傳2個人, 但就成班人一齊返現代....我寧願3哥幫佢充電時加句對白話佢呢舊野版本太低, 我順差電時便一齊更新埋個OS/firmware先可以令現代部機connect到, 咁已經OK.
同埋如果係結局2發生先, 咁之後再返古代, 秦王就可以扮被捉再放佢地走.
不過如果睇師徒之情其實真係好睇o既. 如果真係有加長版或是第3個結局我都會睇. 但講真就真係唔想有第3集. 因故事已經完滿, 唔想變o左fast and furious咁因為有個時光機就變成周圍去唔同時代咁....

其實諗諗下如果3哥真係成功成了秦王, 殺o左真o既同項少龍, 反而令佢個仔有"原因"去殺假秦王呢. 當然如果項少龍死o左可能會掉爆谷