珠海睇 lMAX 3D阿凡達的感受及內地戲院賣點

avsuperman

   無玩影音好耐，餓左成年，目前係Amp未到，超低音未到，投影年底前入伙，希望快d有畫面睇，宜家要解決心瘾，唯有揾d好戲院睇。最近鍾意去珠海環寰城睇戲，一來路程12分鐘到，最重要係有香港超貴的lMAX版，由之前的F1及創戰紀及鬼滅，會員價都係50至68，相比香港過百真係抵睇，而且睇lMAX唔洗預訂，次次即場買飛，論價$同購票速度相當吸引。
  原定上晝的阿凡達無奈因大火延期，單從戲名容易引起心理不安，推遲上映的決定是可以理解。唯要先睹为快，我決定19号頭埸以會員價$154元首次體驗國內IMAX 3D威力，以國內物價，戲票絕不化算，但以lMAX效果卻是物有所值。入場包埋3D眼鏡，途中試用香港IMAX眼鏡，效果一樣。以3D感看，阿凡達真係無得輸，其立體感有層次，有深度，加埋lMAX機拍攝的清晰感及解像力，如果喜歡數碼化影像，你會感覺好似睇88K電視，但如果追求菲林味，你會覺得好假，動作不流暢，而尾埸的大亂鬥，由日打到夜，黑位不單清得過份，沒想到阿凡達面部及身體閃爍的画面，比鑽石刺眼，配合色彩豐富，影像細緻，IMAX不愧是追求視覺享受的天花板，唯一要彈是舞台地板呈現反光，要扣分。至於IMAX音效，唔見戲院末端有兩座大超低音，整體表現聽感夠刺激及震撼，奇怪的是，lMAX一向同Atmos係世仇，有你無我，但這間lMAx戲院居然有天空喇叭，可惜燈光耀眼，拍不到，而人聲清脆爽快感，上次看鬼滅的對話聲同拔劍效果印象更深。另外一提，圖中有的坐位比較深色，其實係按摩椅，一坐上會自動由上至下轆一次试玩，想繼續玩15分鐘就掃QR Code比$，突破香港戲院的框框。
  位於南屏華發商都的戲院更設有4K120Hz格式播放，有機會一定要會一會，另外4DX，ScreenX都有得玩，上次睇神奇4俠及鐵血戰士玩過Screen X，其實兩邊牆太近銀幕，光污染容易影響銀幕色彩的實色感，我就不太喜歡。
  睇左幾套IMAX，真係想係屋企感受，期待年底裝機後一試大画面臨場體驗

avsuperman

創戰紀內地lMAX票價跟上圖香港相比，真係超值抵睇。今次不劇透，講到電影賣點真心佩服電影的機械設定，動作設計精彩，除左片名，劇中玩火埸面及言語間對火的崇拜，看時真的有點不舒服，純個人感受